ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಹಾಲಕ್ಕಿಯ ಬೆರಗು ಕಣ್ ನೋಟ

Last Updated 17 ಜೂನ್ 2018, 14:03 IST
ಅಕ್ಷರ ಗಾತ್ರ

ಸ್ಪಾಟೆಡ್ ಔಲ್ಲೆಟ್ (Athene brama) ಅಥವಾ ಗೂಗೆ ಜಾತಿಗೆ ಸೇರದ ಈ ಹಾಲಕ್ಕಿ, ಭಾರತ, ದಕ್ಷಿಣ ಏಷ್ಯಾ ಮತ್ತು ಹಲವು ಉಷ್ಣ ಪ್ರದೇಶಗಳಲ್ಲಿ ಅರಣ್ಯ ಮತ್ತು ಜನಜೀವನಕ್ಕೆ ಹತ್ತಿರವಾದ ತೋಟ, ಗದ್ದೆ, ಊರಾಚೆಯ ಮರಗಳ, ಕಲ್ಲು ಪೊಟರೆಯ ಸಂದಿಯಲ್ಲಿ ವಾಸಿಸುತ್ತವೆ.

ಎಲೆಕ್ಟ್ರಾನಿಕ್ ಸಿಟಿಯ ಮತ್ತನಲ್ಲೂರು ಕೆರೆಯ ತಟದಲ್ಲಿನ ಮರದ ಕೊಂಬೆಯ ಮೇಲೆ ಹೊಂಚಿಹಾಕಿದಂತೆ ಕುಳಿತಿದ್ದ ಈ ಗೂಬೆಯನ್ನು ಆಕರ್ಷಕವಾಗಿ ಇತ್ತೀಚೆಗೆ ಒಂದು ಮುಂಜಾನೆ ಕ್ಯಾಮೆರಾದಲ್ಲಿ ಸೆರೆಹಿಡಿದವರು ಮುನೇಶ್ವರ ಬ್ಲಾಕ್ ವಾಸಿ ಆರ್.ಎನ್.ಅವಿನಾಶ್. ಇಂಟೀರಿಯರ್ ವಿನ್ಯಾಸ ತಜ್ಞರಾಗಿರುವ ಅವರು ಕಳೆದೆರಡು ವರ್ಷಗಳಿಂದ ವನ್ಯಜೀವಿ ಛಾಯಾಗ್ರಣದಲ್ಲಿ ಹವ್ಯಾಸ ಬೆಳೆಸಿಕೊಂಡಿದ್ದಾರೆ.

ಈ ಚಿತ್ರ ಸೆರೆಹಿಡಿಯಲು ಅವರು ಬಳಸಿದ ಕ್ಯಾಮೆರಾ, ನಿಕಾನ್ ಡಿ. 7200. 200 – 500 ಎಂ.ಎಂ. ಜೂಮ್ ಲೆನ್ಸ್‌ನಲ್ಲಿ ಸೆರೆ ಹಿಡಿದ ಈ ದೃಶ್ಯದ ಎಕ್ಸ್‌ ಪೋಶರ್ ವಿವರ ಇಂತಿವೆ: ಅಪರ್ಚರ್ ಎಫ್. 5.6, ಶಟರ್ ವೇಗ 1/ 60 ಸೆಕೆಂಡ್. ಐ. ಎಸ್. ಒ 320 ಮತ್ತು ಎಕ್ಸ್ ಪೋಶರ್ ಕಾಂಪನ್ಶೇಷನ್ ( - ) 0.3. ಟ್ರೈ ಪಾಡ್ , ಫ್ಲಾಶ್ ಬಳಸಿಲ್ಲ.

ಈ ಚಿತ್ರದೊಂದಿಗೆ ತಾಂತ್ರಿಕ ಮತ್ತು ಕಲಾತ್ಮಕ ಅನುಸಂಧಾನದ ಕೆಲವು ಅಂಶಗಳು ಇಂತಿವೆ:

* ಈ ಚಿತ್ರ ಸ್ಫುಟವಾಗಿ ಮೂಡಿಬಂದಿದೆಯಾದರೂ, ಕಡಿಮೆ ಶಟರ್ ವೇಗದ ಅಳವಡಿಕೆ ತಾಂತ್ರಿಕವಾಗಿ, ಸರಿಯಾದದ್ದಲ್ಲ. ಗೂಬೆಗಳ ಚಲನೆ ಸಾಮಾನ್ಯವಾಗಿ ಕುಳಿತಾಗ ಅಲುಗಾಡದ್ದಾದರೂ, ಒಮ್ಮೆಲೇ ಅದು ಅಲುಗಿದ್ದರೆ, ಚಿತ್ರ ಕೆಡುತ್ತಿತ್ತು. ಸಾಮಾನ್ಯವಾಗಿ, ಟ್ರೈಪಾಡ್ ಇಲ್ಲದೇ ಉದ್ದನೆಯ ಜೂಮ್ ಲೆನ್ಸ್ ಬಳಸಿದಾಗ ಶಟರ್ ವೇಗ 1/ 250 ಸೆಕೆಂಡ್ ನಷ್ಟಾದರೂ ಇರಬೇಕು, ಅದರಿಂದ ಕ್ಯಾಮೆರಾ ಶೇಕ್ ಮತ್ತು ವಸ್ತುವಿನ ಅಲುಗಾಡುವಿಕೆಯ ಅಪಾಯವನ್ನು ತಪ್ಪಿಸುತ್ತದೆ. ಚಿತ್ರ ಸ್ಫುಟಗೊಳ್ಳುತ್ತದೆ,

* ಚೌಕಟ್ಟಿನಲ್ಲಿ ವಸ್ತುವನ್ನು ಭಾವಪೂರ್ಣವಾಗಿ ಮತ್ತು ಆಕರ್ಷಕವಾಗಿ ಕೂಡ ಸಮರ್ಪಕವಾಗಿ ಸೆರೆಹಿಡಿಯಲಾಗಿದೆ. ಮುಂಜಾನೆಯ ಸೂರ್ಯನ ಬೆಳಕು ಹಾಲಕ್ಕಿಯ ಮೈ ಮಾಟವನ್ನು ಸುಂದರವಾಗಿಸಿದೆ. ಹಿನ್ನೆಲೆಯ ಮಂದವಾದ ಬಣ್ಣ, ಚಿತ್ರದ ವರ್ಣಸಾಮರಸ್ಯವನ್ನು ಇಮ್ಮಡಿಸಿದೆ. ನೋಡುಗನ ಕಣ್ಣು ಮತ್ತು ಮನಸ್ಸಿಗೆ ಈ ಚಿತ್ರ ಪ್ರಭಾವನೀಡಬಲ್ಲ ಗುಣವನ್ನು ಹೊಂದಿರುವುದು, ಛಾಯಾಚಿತ್ರಕಾರರ ಪರಿಣತಿಗೆ ಕನ್ನಡಿ ಹಿಡಿದಂತಿದೆ. ಅವಿನಾಶ್‌ ಅಭಿನಂದನಾರ್ಹರು.


ಆರ್.ಎನ್.ಅವಿನಾಶ್

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT