ನವದೆಹಲಿ: ದೇಶದ ವ್ಯಾಪಾರ ಕೊರತೆ ಅಂತರವು 2021ರ ಆಗಸ್ಟ್ಗೆ ಹೋಲಿಸಿದರೆ 2022ರ ಆಗಸ್ಟ್ನಲ್ಲಿ ಎರಡು ಪಟ್ಟು ಹೆಚ್ಚಾಗಿದೆ.
ಕೇಂದ್ರ ವಾಣಿಜ್ಯ ಸಚಿವಾಲಯ ಶನಿವಾರ ಬಿಡುಗಡೆ ಮಾಡಿರುವ ಪ್ರಾಥಮಿಕ ಅಂಕಿ–ಅಂಶಗಳ ಪ್ರಕಾರ 2022ರ ಆಗಸ್ಟ್ನಲ್ಲಿ ₹2.28 ಲಕ್ಷ ಕೋಟಿ ಆಗಿದೆ. 2021ರ ಆಗಸ್ಟ್ನಲ್ಲಿ ವ್ಯಾಪಾರ ಕೊರತೆಯು ₹93,445 ಕೋಟಿ ಇತ್ತು.
ರಫ್ತು ವಹಿವಾಟು ಶೇ 1.15ರಷ್ಟು ಇಳಿಕೆ ಕಂಡು ₹2.63 ಲಕ್ಷ ಕೋಟಿಗೆ ತಲುಪಿದೆ. ಆದರೆ, ಆಮದು ವಹಿವಾಟು ಶೇ 37 ರಷ್ಟು ಏರಿಕೆಯಾಗಿ ₹4.92 ಲಕ್ಷ ಕೋಟಿಗೆ ಏರಿಕೆ ಆಗಿದೆ.
ಪ್ರಸಕ್ತ ಹಣಕಾಸು ವರ್ಷದಲ್ಲಿ ರಫ್ತು ₹35.91 ಲಕ್ಷ ಕೋಟಿಗೆ ತಲುಪಲಿದೆ ಎಂದು ವಾಣಿಜ್ಯ ಕಾರ್ಯದರ್ಶಿ ಬಿ.ವಿ.ಆರ್. ಸುಬ್ರಹ್ಮಣ್ಯಂ ತಿಳಿಸಿದ್ದಾರೆ.
2022–23ರ ಏಪ್ರಿಲ್–ಆಗಸ್ಟ್ ಅವಧಿಯಲ್ಲಿ ರಫ್ತು ವಹಿವಾಟು ಶೇ 17ರಷ್ಟು ಹೆಚ್ಚಾಗಿದೆ. ಆಮದು ಶೇ 46ರಷ್ಟು ಏರಿಕೆ ಕಂಡಿದೆ.