<p><strong>ನವದೆಹಲಿ:</strong> ಆಮದು ಪ್ರಮಾಣದಲ್ಲಿನ ಇಳಿಕೆಯಿಂದ ಮೇ ತಿಂಗಳಲ್ಲಿ ದೇಶದ ವ್ಯಾಪಾರ ಕೊರತೆ ₹1.88 ಲಕ್ಷ ಕೋಟಿಯಾಗಿದೆ ಎಂದು ಕೇಂದ್ರ ಸರ್ಕಾರ ಸೋಮವಾರ ತಿಳಿಸಿದೆ. </p>.<p>ಸತತ ಎರಡು ತಿಂಗಳಿನಿಂದ ಬೆಳವಣಿಗೆ ಕಂಡಿದ್ದ ರಫ್ತು ಮೇನಲ್ಲಿ ಶೇ 2.17ರಷ್ಟು ಇಳಿಕೆಯಾಗಿದ್ದು, ₹3.32 ಲಕ್ಷ ಕೋಟಿಯಾಗಿದೆ. ಏಪ್ರಿಲ್ನಲ್ಲಿ ವ್ಯಾಪಾರ ಕೊರತೆ ₹2.27 ಲಕ್ಷ ಕೋಟಿ ಆಗಿತ್ತು. ಇದಕ್ಕೆ ಹೋಲಿಸಿದರೆ ಮೇ ತಿಂಗಳಲ್ಲಿ ಇಳಿಕೆ ಆಗಿದೆ.</p>.<p>ಆಮದು ಶೇ 1.7ರಷ್ಟು ಕಡಿಮೆಯಾಗಿದ್ದು, ₹5.21 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ರಫ್ತು ಪ್ರಮಾಣದಲ್ಲಿ ಶೇ 3.11 ಹೆಚ್ಚಳವಾಗಿದ್ದು, ₹6.62 ಲಕ್ಷ ಕೋಟಿಯಾಗಿದೆ. ಆಮದು ಶೇ 8ರಷ್ಟು ಹೆಚ್ಚಳವಾಗಿದ್ದು, ₹10.77 ಲಕ್ಷ ಕೋಟಿಯಾಗಿದೆ. ವ್ಯಾಪಾರ ಕೊರತೆ ₹4.14 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ. ಸೇವಾ ರಫ್ತು ₹2.77 ಲಕ್ಷ ಕೋಟಿಯಷ್ಟಾಗಿದೆ.</p>.<p>ರಫ್ತು ಮೌಲ್ಯಕ್ಕಿಂತ ಆಮದು ಮೌಲ್ಯ ಹೆಚ್ಚಿದ್ದರೆ ಅದನ್ನು ವ್ಯಾಪಾರ ಕೊರತೆ ಎಂದು ಕರೆಯಲಾಗುತ್ತದೆ.</p>.<p>ಅಕ್ಕಿ, ಕಬ್ಬಿಣದ ಅದಿರು, ಹರಳು ಮತ್ತು ಆಭರಣಗಳು, ಎಂಜಿನಿಯರಿಂಗ್ ಮತ್ತು ಕೆಲವು ಬಗೆಯ ಜವಳಿ ಸರಕುಗಳ ರಫ್ತು ಇಳಿಕೆಯಾಗಿದೆ. ಪೆಟ್ರೋಲಿಯಂ ಉತ್ಪನ್ನಗಳ ರಫ್ತು ಶೇ 30ರಷ್ಟು ಕಡಿಮೆಯಾಗಿದ್ದು, ₹48,098 ಕೋಟಿಯಾಗಿದೆ. ಇದೇ ವೇಳೆ ಕಚ್ಚಾ ತೈಲ ಮತ್ತು ಚಿನ್ನದ ಆಮದು ಕ್ರಮವಾಗಿ ಶೇ 26 ಮತ್ತು ಶೇ 12ರಷ್ಟು ಇಳಿಕೆಯಾಗಿದೆ. ಇದರ ಮೌಲ್ಯವು ₹1.26 ಲಕ್ಷ ಕೋಟಿ ಮತ್ತು ₹21,457 ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>ಆದರೆ, ಚಹಾ, ಕಾಫಿ, ಮಸಾಲೆ ಪದಾರ್ಥಗಳು, ಸಿದ್ಧ ಉಡುಪುಗಳು, ರಾಸಾಯನಿಕಗಳು, ಸಾಗರೋತ್ಪನ್ನ ಮತ್ತು ಔಷಧ ಉತ್ಪನ್ನಗಳ ರಫ್ತು ಸಕಾರಾತ್ಮಕವಾಗಿದೆ. ಎಲೆಕ್ಟ್ರಾನಿಕ್ ಸರಕುಗಳ ಸಾಗಣೆ ಶೇ 54ರಷ್ಟು ಹೆಚ್ಚಳವಾಗಿದ್ದು, ₹3.92 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>‘ಜಾಗತಿಕ ವ್ಯಾಪಾರ ನೀತಿಗಳ ಅನಿಶ್ಚಿತತೆ, ಬಿಕ್ಕಟ್ಟಿನ ನಡುವೆಯೂ ಏಪ್ರಿಲ್–ಮೇ ತಿಂಗಳ ಅವಧಿಯಲ್ಲಿ ದೇಶದ ರಫ್ತು ಉತ್ತವಾಗಿದೆ’ ಎಂದು ಕೇಂದ್ರ ವಾಣಿಜ್ಯ ಕಾರ್ಯದರ್ಶಿ ಸುನಿಲ್ ಬರ್ತ್ವಾಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಆಮದು ಪ್ರಮಾಣದಲ್ಲಿನ ಇಳಿಕೆಯಿಂದ ಮೇ ತಿಂಗಳಲ್ಲಿ ದೇಶದ ವ್ಯಾಪಾರ ಕೊರತೆ ₹1.88 ಲಕ್ಷ ಕೋಟಿಯಾಗಿದೆ ಎಂದು ಕೇಂದ್ರ ಸರ್ಕಾರ ಸೋಮವಾರ ತಿಳಿಸಿದೆ. </p>.<p>ಸತತ ಎರಡು ತಿಂಗಳಿನಿಂದ ಬೆಳವಣಿಗೆ ಕಂಡಿದ್ದ ರಫ್ತು ಮೇನಲ್ಲಿ ಶೇ 2.17ರಷ್ಟು ಇಳಿಕೆಯಾಗಿದ್ದು, ₹3.32 ಲಕ್ಷ ಕೋಟಿಯಾಗಿದೆ. ಏಪ್ರಿಲ್ನಲ್ಲಿ ವ್ಯಾಪಾರ ಕೊರತೆ ₹2.27 ಲಕ್ಷ ಕೋಟಿ ಆಗಿತ್ತು. ಇದಕ್ಕೆ ಹೋಲಿಸಿದರೆ ಮೇ ತಿಂಗಳಲ್ಲಿ ಇಳಿಕೆ ಆಗಿದೆ.</p>.<p>ಆಮದು ಶೇ 1.7ರಷ್ಟು ಕಡಿಮೆಯಾಗಿದ್ದು, ₹5.21 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ರಫ್ತು ಪ್ರಮಾಣದಲ್ಲಿ ಶೇ 3.11 ಹೆಚ್ಚಳವಾಗಿದ್ದು, ₹6.62 ಲಕ್ಷ ಕೋಟಿಯಾಗಿದೆ. ಆಮದು ಶೇ 8ರಷ್ಟು ಹೆಚ್ಚಳವಾಗಿದ್ದು, ₹10.77 ಲಕ್ಷ ಕೋಟಿಯಾಗಿದೆ. ವ್ಯಾಪಾರ ಕೊರತೆ ₹4.14 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ. ಸೇವಾ ರಫ್ತು ₹2.77 ಲಕ್ಷ ಕೋಟಿಯಷ್ಟಾಗಿದೆ.</p>.<p>ರಫ್ತು ಮೌಲ್ಯಕ್ಕಿಂತ ಆಮದು ಮೌಲ್ಯ ಹೆಚ್ಚಿದ್ದರೆ ಅದನ್ನು ವ್ಯಾಪಾರ ಕೊರತೆ ಎಂದು ಕರೆಯಲಾಗುತ್ತದೆ.</p>.<p>ಅಕ್ಕಿ, ಕಬ್ಬಿಣದ ಅದಿರು, ಹರಳು ಮತ್ತು ಆಭರಣಗಳು, ಎಂಜಿನಿಯರಿಂಗ್ ಮತ್ತು ಕೆಲವು ಬಗೆಯ ಜವಳಿ ಸರಕುಗಳ ರಫ್ತು ಇಳಿಕೆಯಾಗಿದೆ. ಪೆಟ್ರೋಲಿಯಂ ಉತ್ಪನ್ನಗಳ ರಫ್ತು ಶೇ 30ರಷ್ಟು ಕಡಿಮೆಯಾಗಿದ್ದು, ₹48,098 ಕೋಟಿಯಾಗಿದೆ. ಇದೇ ವೇಳೆ ಕಚ್ಚಾ ತೈಲ ಮತ್ತು ಚಿನ್ನದ ಆಮದು ಕ್ರಮವಾಗಿ ಶೇ 26 ಮತ್ತು ಶೇ 12ರಷ್ಟು ಇಳಿಕೆಯಾಗಿದೆ. ಇದರ ಮೌಲ್ಯವು ₹1.26 ಲಕ್ಷ ಕೋಟಿ ಮತ್ತು ₹21,457 ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>ಆದರೆ, ಚಹಾ, ಕಾಫಿ, ಮಸಾಲೆ ಪದಾರ್ಥಗಳು, ಸಿದ್ಧ ಉಡುಪುಗಳು, ರಾಸಾಯನಿಕಗಳು, ಸಾಗರೋತ್ಪನ್ನ ಮತ್ತು ಔಷಧ ಉತ್ಪನ್ನಗಳ ರಫ್ತು ಸಕಾರಾತ್ಮಕವಾಗಿದೆ. ಎಲೆಕ್ಟ್ರಾನಿಕ್ ಸರಕುಗಳ ಸಾಗಣೆ ಶೇ 54ರಷ್ಟು ಹೆಚ್ಚಳವಾಗಿದ್ದು, ₹3.92 ಲಕ್ಷ ಕೋಟಿಯಾಗಿದೆ ಎಂದು ತಿಳಿಸಿದೆ.</p>.<p>‘ಜಾಗತಿಕ ವ್ಯಾಪಾರ ನೀತಿಗಳ ಅನಿಶ್ಚಿತತೆ, ಬಿಕ್ಕಟ್ಟಿನ ನಡುವೆಯೂ ಏಪ್ರಿಲ್–ಮೇ ತಿಂಗಳ ಅವಧಿಯಲ್ಲಿ ದೇಶದ ರಫ್ತು ಉತ್ತವಾಗಿದೆ’ ಎಂದು ಕೇಂದ್ರ ವಾಣಿಜ್ಯ ಕಾರ್ಯದರ್ಶಿ ಸುನಿಲ್ ಬರ್ತ್ವಾಲ್ ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
