ಬಿಗ್‌ ಬಿಲಿಯನ್‌ ಡೇಸ್‌ ಯಶಸ್ಸಿಗೆ ಫ್ಲಿಪ್‌ಕಾರ್ಟ್‌ ಕ್ರಮ

7

ಬಿಗ್‌ ಬಿಲಿಯನ್‌ ಡೇಸ್‌ ಯಶಸ್ಸಿಗೆ ಫ್ಲಿಪ್‌ಕಾರ್ಟ್‌ ಕ್ರಮ

Published:
Updated:

ಬೆಂಗಳೂರು: ಇ–ಕಾಮರ್ಸ್‌ನ ದೈತ್ಯ ಸಂಸ್ಥೆ ಫ್ಲಿಪ್‌ಕಾರ್ಟ್‌, ಸರಕುಗಳ ಮಾರಾಟಗಾರರ ಹಲವು ವೆಚ್ಚಗಳನ್ನು ಕಡಿತಗೊಳಿಸಿ ಅವರ ವಹಿವಾಟು ಮತ್ತು ಲಾಭ ಹೆಚ್ಚಿಸಲು ಹಲವಾರು ಕ್ರಮಗಳನ್ನು ಕೈಗೊಂಡಿದೆ.

‘ವೈವಿಧ್ಯಮಯ ಸರಕುಗಳಿಗೆ ಸಂಬಂಧಿಸಿದಂತೆ ಫ್ಲಿಪ್‌ಕಾರ್ಟ್‌ನಲ್ಲಿ 1 ಲಕ್ಷಕ್ಕೂ ಹೆಚ್ಚು ಮಾರಾಟಗಾರರಿದ್ದಾರೆ. ಸಂಸ್ಥೆಯ ತಂತ್ರಜ್ಞಾನ, ಗೋದಾಮು ಬಳಕೆ, ಶುಲ್ಕ ಕಡಿತ ಮತ್ತಿತರ ಮೂಲಸೌಕರ್ಯಗಳನ್ನು ಒದಗಿಸಿ ಅವರ ವೆಚ್ಚ ತಗ್ಗಿಸಲು ನೆರವಾಗುತ್ತಿದೆ’ ಎಂದು ಸಂಸ್ಥೆಯ ಮಾರುಕಟ್ಟೆ ವಿಭಾಗದ ನಿರ್ದೇಶಕ ನಿಶಾಂತ್‌ ಗುಪ್ತಾ ಹೇಳಿದ್ದಾರೆ.

‘ಹಬ್ಬದ ಸಂದರ್ಭದಲ್ಲಿ ನಡೆಸಲಾಗುವ ‘ಬಿಗ್‌ ಬಿಲಿಯನ್‌ ಡೇಸ್‌’ (ಬಿಬಿಡಿ) ಮಾರಾಟ ಅಭಿಯಾನ ಯಶಸ್ವಿಗೊಳಿಸಲು ಸಂಸ್ಥೆ ಉದ್ದೇಶಿಸಿದೆ. ಈ ಸಂದರ್ಭದಲ್ಲಿನ ಮಾರಾಟಗಾರರ ವಹಿವಾಟು ಹಲವು ಪಟ್ಟು ಹೆಚ್ಚಿಸಲು ಕ್ರಮ ಕೈಗೊಂಡಿದೆ. ಮಾರಾಟಗಾರರ ವಹಿವಾಟಿಗೆ ಸಂಬಂಧಿಸಿದ ಶುಲ್ಕಗಳ ಕಡಿತದಿಂದ ಗ್ರಾಹಕರಿಗೆ ಅಗ್ಗದ ಬೆಲೆಯಲ್ಲಿ ಸರಕುಗಳನ್ನು ಮಾರಾಟ ಮಾಡಲು ಸಾಧ್ಯವಾಗಲಿದೆ.

‘ಗ್ರಾಹಕರ ಅಭಿರುಚಿ, ಖರೀದಿ ಪ್ರವೃತ್ತಿ ಮತ್ತು ಉತ್ಪನ್ನಗಳ ಆಯ್ಕೆ ಕುರಿತು ಫ್ಲಿಪ್‌ಕಾರ್ಟ್‌ ಒದಗಿಸಲಿರುವ ದತ್ತಾಂಶಗಳ ವಿಶ್ಲೇಷಣೆಯು ಮಾರಾಟಗಾರರಿಗೆ ವಹಿವಾಟಿನ ಬಗ್ಗೆ ವಿಶಿಷ್ಟ ಒಳನೋಟ ನೀಡಲಿದೆ. ಇದರಿಂದಲೂ ಸರಕುಗಳ ಮಾರಾಟವು ಗಮನಾರ್ಹವಾಗಿ ಹೆಚ್ಚಲಿದೆ’ ಎಂದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !