ಮುಂಬೈ: ದೇಶದ ವಿದೇಶಿವಿನಿಮಯಮೀಸಲು ಸಂಗ್ರಹ ಮೇ 24ಕ್ಕೆ ಕೊನೆಗೊಂಡ ವಾರದಲ್ಲಿ₹1,393 ಕೋಟಿ ಹೆಚ್ಚಾಗಿ ₹ 29.40 ಲಕ್ಷ ಕೋಟಿಗಳಿಗೆ ಏರಿಕೆಯಾಗಿದೆ ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ (ಆರ್‌ಬಿಐ) ಮಾಹಿತಿ ನೀಡಿದೆ. ಅದಕ್ಕೂ ಹಿಂದಿನ ವಾರದಲ್ಲಿ₹ 29.19 ಲಕ್ಷ ಕೋಟಿಗಳಷ್ಟಿತ್ತು.
ವಿದೇಶಿಕರೆನ್ಸಿಗಳ ಸಂಗ್ರಹ₹ 1,393ಕೋಟಿ ಹೆಚ್ಚಾಗಿ₹ 27.44 ಲಕ್ಷ ಕೋಟಿಗಳಿಗೆ ತಲುಪಿದೆ. ಇದರಿಂದಾಗಿವಿದೇಶಿವಿನಿಮಯಸಂಗ್ರಹದಲ್ಲಿ ಏರಿಕೆಯಾಗಿದೆ. ಚಿನ್ನದ ಮೀಸಲು ಸಂಗ್ರಹ ₹ 1.61 ಲಕ್ಷ ಕೋಟಿಗಳಷ್ಟಿದೆ.
ಐಎಂಎಫ್‌ನಲ್ಲಿ ಭಾರತದ ಕರೆನ್ಸಿ ಸಂಗ್ರಹ ₹ 1,400 ಕೋಟಿಗಳಷ್ಟು ಹೆಚ್ಚಾಗಿ ₹ 23,310 ಕೋಟಿಗಳಿಗೆ ತಲುಪಿದೆ.
ದೇಶದ ವಿದೇಶಿ ವಿನಿಮಯ ಮೀಸಲು ಸಂಗ್ರಹ 2018ರ ಏಪ್ರಿಲ್ 23ರಂದು ಸಾರ್ವಕಾಲಿಕ ಗರಿಷ್ಠ ಮಟ್ಟವಾದ ₹ 29.82 ಲಕ್ಷ ಕೋಟಿಗಳಿಗೆ ತಲುಪಿತ್ತು.
