ಮುಂಬೈ (ಪಿಟಿಐ): ಕೆಲವು ವಾರಗಳಿಂದ ಏರುಮುವಾಗಿದ್ದದೇಶದ ವಿದೇಶಿ ವಿನಿಮಯ ಮೀಸಲು ಸಂಗ್ರಹ ಫೆಬ್ರುವರಿ 8ಕ್ಕೆ ಕೊನೆಗೊಂಡ ವಾರದಲ್ಲಿ ಇಳಿಕೆ ಕಂಡಿದೆ ಎಂದು ಆರ್‌ಬಿಐ ಮಾಹಿತಿ ನೀಡಿದೆ.
ವಿದೇಶಿ ಕರೆನ್ಸಿಗಳ ಸಂಗ್ರಹದಲ್ಲಿ ಇಳಿಕೆ ಆಗಿರುವುದರಿಂದ ವಿದೇಶಿ ವಿನಿಮಯ ಮೀಸಲು ಸಂಗ್ರಹ ₹ 14,981 ಕೋಟಿಯಷ್ಟು ಕಡಿಮೆ ಯಾಗಿ ₹ 28.25 ಲಕ್ಷ ಕೋಟಿಗೆ ಇಳಿಕೆಯಾಗಿದೆ. ಇದಕ್ಕೂ ಹಿಂದಿನ ವಾರದಲ್ಲಿ ₹ 28.40 ಲಕ್ಷ ಕೋಟಿ ಯಷ್ಟಿತ್ತು.
2018ರ ಏಪ್ರಿಲ್ 13 ರಂದು ಮೀಸಲು ಸಂಗ್ರಹ ₹ 30.24 ಲಕ್ಷ ಕೋಟಿಗೆ ದಾಖಲೆ ಮಟ್ವವನ್ನು ತಲುಪಿತ್ತು. ಆ ಬಳಿಕ ಇಳಿಮುಖವಾಗಿದ್ದು, ಇದುವರೆಗೆ ₹ 2.20 ಲಕ್ಷ ಕೋಟಿಗಳಷ್ಟು ಇಳಿಕೆಯಾಗಿದೆ.
ಐಎಂಎಫ್‌ನಲ್ಲಿನ ಭಾರತದ ಕರೆನ್ಸಿ ಸಂಗ್ರಹ ₹ 2,392 ಕೋಟಿ ಹೆಚ್ಚಾಗಿ ₹ 21,229 ಕೋಟಿಗೆ ತಲುಪಿದೆ.
