ನವದೆಹಲಿ: ವಿದೇಶಿ ಹೂಡಿಕೆದಾರರು ದೇಶದ ಬಂಡವಾಳ ಮಾರುಕಟ್ಟೆಯಿಂದ ನಿರಂತರವಾಗಿ ಬಂಡವಾಳ ಹಿಂದಕ್ಕೆ ಪಡೆಯುತ್ತಿದ್ದಾರೆ.
ಅಕ್ಟೋಬರ್ ತಿಂಗಳ ಮೂರು ವಾರಗಳಲ್ಲಿ ₹ 32 ಸಾವಿರ ಕೋಟಿ ಮೌಲ್ಯದ ಷೇರುಗಳು ಮತ್ತು ಸಾಲಪತ್ರಗಳನ್ನು ಮಾರಾಟ ಮಾಡಿದ್ದಾರೆ. ಜಾಗತಿಕ ವಾಣಿಜ್ಯ ಸಮರ, ಕಚ್ಚಾ ತೈಲ ದರ ಏರಿಕೆಯಿಂದಾಗಿ ಭಾರತದಲ್ಲಿನ ಹೂಡಿಕೆಯಿಂದ ಹಿಂದೆ ಸರಿಯುತ್ತಿದ್ದಾರೆ.
ಸೆಪ್ಟೆಂಬರ್ ತಿಂಗಳಿನಲ್ಲಿ ₹ 21 ಸಾವಿರ ಕೋಟಿ ಹಿಂದಕ್ಕೆ ಪಡೆದಿದ್ದರು. ಜುಲೈ–ಆಗಸ್ಟ್ನಲ್ಲಿ ₹ 7,400 ಕೋಟಿ ಹೂಡಿಕೆ ಮಾಡಿದ್ದರು.
ಅಂತರರಾಷ್ಟ್ರೀಯ ಹಣಕಾಸು ನಿಧಿಯು (ಐಎಂಎಫ್)ಜಾಗತಿಕ ಆರ್ಥಿಕ ಪ್ರಗತಿಯನ್ನು ಶೇ 3.7ಕ್ಕೆ ತಗ್ಗಿಸಿದೆ. ಇದು ಸಹ ಹೂಡಿಕೆ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ ಎಂದು ತಜ್ಞರು ವಿಶ್ಲೇಷಣೆ ಮಾಡಿದ್ದಾರೆ.
* ₹33 ಸಾವಿರ ಕೋಟಿ – ಈ ವರ್ಷದಲ್ಲಿ ಇದುವರೆಗೆ ಮಾರಾಟ ಮಾಡಿರುವ ಷೇರುಗಳ ಮೌಲ್ಯ
* ₹60 ಸಾವಿರ ಕೋಟಿ – ಈ ವರ್ಷದಲ್ಲಿ ಇದುವರೆಗೆ ಮಾರಾಟ ಮಾಡಿರುವ ಸಾಲಪತ್ರಗಳ ಮೌಲ್ಯ