ಕೋವಿಡ್ನ ಎರಡನೇ ಅಲೆಯಿಂದಾಗಿ ವಿದೇಶಿ ಹೂಡಿಕೆದಾರರು ಏಪ್ರಿಲ್ ಹಾಗೂ ಮೇನಲ್ಲಿ ಮಾರಾಟಕ್ಕೆ ಗಮನ ನೀಡಿದರು. ಆ ಬಳಿಕ ಕೋವಿಡ್ ಪರಿಸ್ಥಿತಿಯು ತುಸು ಸುಧಾರಿಸುತ್ತಿದ್ದಂತೆಯೇ ಜೂನ್ನಲ್ಲಿ ₹ 17,464 ಕೋಟಿ ಹೂಡಿಕೆ ಮಾಡಿದರು. ಆದರೆ, ಅಮೆರಿಕದ ಫೆಡರಲ್ ರಿಸರ್ವ್ ಬಡ್ಡಿದರ ಏರಿಕೆಯ ಸಾಧ್ಯತೆಯನ್ನು ಮುಂದಿಟ್ಟಿದ್ದರಿಂದ ಹಾಗೂ ಕೋವಿಡ್ನ ಮೂರನೇ ಅಲೆ ಬರುವ ಸಾಧ್ಯತೆಯಿಂದಾಗಿ ಜುಲೈನಲ್ಲಿ ವಿದೇಶಿ ಹೂಡಿಕೆದಾರರು ಭಾರತದ ಷೇರುಪೇಟೆಯಲ್ಲಿ ಎಚ್ಚರಿಕೆಯ ವಹಿವಾಟು ನಡೆಸಿದರು. ₹ 11,174 ಕೋಟಿ ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದರು ಎಂದು ವರದಿ ತಿಳಿಸಿದೆ.