ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಅಟ್ಯಾ ಪಟ್ಯಾ: ರಾಷ್ಟ್ರೀಯ ಅಧ್ಯಕ್ಷರಾಗಿ ಪಾಟೀಲ ಪುನರಾಯ್ಕೆ

Last Updated 18 ಏಪ್ರಿಲ್ 2018, 19:30 IST
ಅಕ್ಷರ ಗಾತ್ರ

ಹುಬ್ಬಳ್ಳಿ: ಧಾರವಾಡದ ಯುನಿವರ್ಸಿಟಿ ಹೈಸ್ಕೂಲಿನಲ್ಲಿ ದೈಹಿಕ ಶಿಕ್ಷಣ ಶಿಕ್ಷಕರಾಗಿರುವ ಡಾ. ವಿ. ಡಿ. ಪಾಟೀಲ ಅವರು ಭಾರತ ಅಟ್ಯಾ ಪಟ್ಯಾ ಫೆಡರೇಷನ್‌ನ ರಾಷ್ಟ್ರೀಯ ಅಧ್ಯಕ್ಷರಾಗಿ ಅವಿರೋಧವಾಗಿ ಪುನರಾಯ್ಕೆಯಾಗಿದ್ದಾರೆ.

ಬೆಳಗಾವಿ ಜಿಲ್ಲೆಯ ಚಂದರಗಿ ಕ್ರೀಡಾಶಾಲೆಯ ಕೋಚ್‌ ಲಕ್ಷ್ಮಣ ಲಮಾಣಿ ಸದಸ್ಯರಾಗಿ ನೇಮಕವಾಗಿದ್ದಾರೆ. ನಾಗಪುರದಲ್ಲಿ ಮಂಗಳವಾರ ನಡೆದ ಫೆಡರೇಷನ್‌ನ ಸಭೆಯಲ್ಲಿ ನೂತನ ಪದಾಧಿಕಾರಿಗಳ ಆಯ್ಕೆ ನಡೆಯಿತು. 2022ರವರೆಗೆ ಇವರ ಅಧಿಕಾರವಧಿ ಇರುತ್ತದೆ. ಮಹಾರಾಷ್ಟ್ರದ ಡಾ. ಕವೀಶ್ವರ (ಕಾರ್ಯದರ್ಶಿ), ಚಂಡೀಗಡದ ಲಂಬಾ (ಖಜಾಂಜಿ) ಆಯ್ಕೆಯಾದರು.

ಉಪಾಧ್ಯಕ್ಷರಾಗಿ ಮಧ್ಯಪ್ರದೇಶದ ಜಗದೀಶ ವರ್ಮಾ, ಗೋವಾದ ಕೃಷ್ಣ ಕರಾಡೆ, ಪುದುಚೇರಿಯ ಶಿವಕುಮಾರ್‌, ಸಹ ಕಾರ್ಯದರ್ಶಿಗಳಾಗಿ ಉತ್ತರ ಪ್ರದೇಶದ ಯುವಜನ ಪಾಲ, ಪಶ್ಚಿಮ ಬಂಗಾಳದ ಸ್ವಪ್ನಾ, ಮಹಾರಾಷ್ಟ್ರದ ಅಮರ್‌, ಬಿಹಾರದ ವಿಜಯ ಕುಮಾರ್‌ ನೇಮಕವಾದರು. ಮಣಿಪುರದ ಓನಂ ಸಿಂಗ್‌, ಹರಿಯಾಣದ ದೀಪೇಂದ್ರ, ಜಾರ್ಖಂಡ್‌ನ ಅಜೇಯ್‌ ಝಾ, ಒಡಿಶಾದ ಪುಂಡಾ, ಜಮ್ಮು ಮತ್ತು ಕಾಶ್ಮೀರದ ವಾಸೀಮ್‌ ರಾಜ್‌ ಮತ್ತು ರಾಜಸ್ಥಾನದ ಜಲನಿ ಸದಸ್ಯರಾಗಿ ಆಯ್ಕೆಯಾದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT