ಡಾಲರ್‌ ಮೌಲ್ಯ ಹೆಚ್ಚಳ: ಚಿನ್ನ, ಬೆಳ್ಳಿ ದರ ಇಳಿಕೆ

ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಚಿನ್ನದ ಬೆಲೆಯು 10 ಗ್ರಾಂಗೆ ₹ 388ರಷ್ಟು ಕಡಿಮೆ ಆಗಿದೆ. 10 ಗ್ರಾಂ ಚಿನ್ನವು ₹ 47,917ರಂತೆ ಮಾರಾಟ ಆಗಿದೆ. ಬೆಳ್ಳಿಯ ಬೆಲೆಯು ಕಿಲೋ ಗ್ರಾಂಗೆ ₹ 920ರಷ್ಟು ಕಡಿಮೆ ಆಗಿ, ₹ 69,369ರಂತೆ ಮಾರಾಟವಾಗಿದೆ.

ಅಮೆರಿಕದ ಆರ್ಥಿಕತೆಗೆ ಸಂಬಂಧಿಸಿದ ಅಂಕಿ–ಅಂಶಗಳು ಧನಾತ್ಮಕವಾಗಿ ಇರುವ ಕಾರಣ ಡಾಲರ್‌ ಮೌಲ್ಯ ಹೆಚ್ಚಾಯಿತು. ಹೀಗಾಗಿ ಚಿನ್ನದ ಬೆಲೆಯಲ್ಲಿ ಇಳಿಕೆ ಆಗಿದೆ ಎಂದು ಮೋತಿಲಾಲ್‌ ಓಸ್ವಾಲ್ ಫೈನಾನ್ಶಿಯಲ್ ಸರ್ವಿಸಸ್‌ನ ನವನೀತ್ ದಮಾನಿ ಹೇಳಿದ್ದಾರೆ.