ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಮಂಗಳವಾರ ಚಿನ್ನ, ಬೆಳ್ಳಿ ದರ ಇಳಿಕೆ ಕಂಡಿದೆ. 10 ಗ್ರಾಂ ಚಿನ್ನದ ದರ ₹ 557ರಷ್ಟು ಇಳಿಕೆಯಾಗಿದ್ದು, ₹ 52,350ರಂತೆ ಮಾರಾಟವಾಯಿತು.
ಬೆಳ್ಳಿ ಕೆ.ಜಿ.ಗೆ ₹ 1,606ರಷ್ಟು ಇಳಿಕೆಯಾಗಿ, ₹ 68,342ರಂತೆ ಮಾರಾಟವಾಗಿದೆ.
‘ಡಾಲರ್ ಮೌಲ್ಯ ಇಳಿಕೆ ಹಾಗೂ ಕೋವಿಡ್–19 ಕಾಯಿಲೆಗೆ ಲಸಿಕೆ ಲಭ್ಯವಾಗುವ ಭರವಸೆಯು ಚಿನ್ನದ ದರದಲ್ಲಿ ಅಸ್ಥಿರತೆಗೆ ಕಾರಣವಾಯಿತು’ ಎಂದು 'ಮೋತಿಲಾಲ್ ಓಸ್ವಾಲ್ ಫೈನಾನ್ಶಿಯಲ್ ಸರ್ವೀಸಸ್'ನ ಉಪಾಧ್ಯಕ್ಷ ನವ್ನೀತ್ ದಮನಿ ಹೇಳಿದ್ದಾರೆ.