ನವದೆಹಲಿ / ಮುಂಬೈ : ಚಿನಿವಾರ ಪೇಟೆಯಲ್ಲಿ ಚಿನ್ನದ ದರವು ಸೋಮವಾರ ಏರಿಕೆ ಕಂಡಷ್ಟೇ ವೇಗದಲ್ಲಿ ಮಂಗಳವಾರ ಇಳಿಕೆಯಾಗಿದೆ. 10 ಗ್ರಾಂ ದರ ಗರಿಷ್ಠ ₹ 954ರವರೆಗೂ ಕುಸಿದಿದೆ.
10 ಗ್ರಾಂ ಚಿನ್ನದ ದರ ದೆಹಲಿಯಲ್ಲಿ ₹954ರಂತೆ ಇಳಿಕೆಯಾಗಿ ₹43,549ಕ್ಕೆ ತಲುಪಿತು.ಮುಂಬೈನಲ್ಲಿ ₹ 778ರಂತೆ ಕಡಿಮೆ ಯಾಗಿ ₹42,637ರಂತೆ ಹಾಗೂ ಬೆಂಗಳೂರಿನಲ್ಲಿ ₹876 ಇಳಿಕೆ ಕಂಡು₹42,764ಕ್ಕೆ ತಲುಪಿದೆ.
ಡಾಲರ್‌ ಎದುರು ರೂಪಾಯಿ ಮೌಲ್ಯದಲ್ಲಿ ಹೆಚ್ಚಳ ಮತ್ತು ಜಾಗತಿಕ ಮಾರುಕಟ್ಟೆಯಲ್ಲಿ ಚಿನ್ನದ ಮಾರಾಟ ಹೆಚ್ಚಾಗಿದ್ದರಿಂದ ದೇಶಿ ಮಾರುಕಟ್ಟೆಯಲ್ಲಿ ಚಿನ್ನದ ದರ ಇಳಿಕೆಗೆ ಕಾರಣವಾಯಿತು ಎಂದು ಎಚ್‌ಡಿಎಫ್‌ಸಿ ಸೆಕ್ಯುರಿಟೀಸ್‌ ಹೇಳಿದೆ.
