ಸುಲಲಿತ ಉದ್ದಿಮೆ: ಆಂಧ್ರಪ್ರದೇಶ ಮೊದಲ, ಕರ್ನಾಟಕಕ್ಕೆ 8ನೇ ಸ್ಥಾನ

7
ವಿಶ್ವಬ್ಯಾಂಕ್‌– ಡಿಐಪಿಪಿ ವರದಿ; ಕರ್ನಾಟಕ 8ನೆ ಸ್ಥಾನದಲ್ಲಿ

ಸುಲಲಿತ ಉದ್ದಿಮೆ: ಆಂಧ್ರಪ್ರದೇಶ ಮೊದಲ, ಕರ್ನಾಟಕಕ್ಕೆ 8ನೇ ಸ್ಥಾನ

Published:
Updated:

ನವದೆಹಲಿ:  ಸುಲಲಿತ ಉದ್ದಿಮೆ ವಹಿವಾಟಿನ ದೇಶಿ ವಾರ್ಷಿಕ ಶ್ರೇಯಾಂಕದಲ್ಲಿ ಆಂಧ್ರಪ್ರದೇಶ ರಾಜ್ಯವು ಮೊದಲ ಸ್ಥಾನದಲ್ಲಿ ಇದೆ.

ಕೈಗಾರಿಕಾ ನೀತಿ ಮತ್ತು ಉತ್ತೇಜನಾ ಇಲಾಖೆಯು (ಡಿಐಪಿಪಿ), ವಿಶ್ವಬ್ಯಾಂಕ್‌ ಜತೆ ನಡೆಸಿ ಸಿದ್ಧಪಡಿಸಿರುವ ಈ ಶ್ರೇಯಾಂಕದಲ್ಲಿ ತೆಲಂಗಾಣ ಮತ್ತು ಹರಿಯಾಣ ರಾಜ್ಯಗಳು 2 ಮತ್ತು 3ನೇ ಸ್ಥಾನದಲ್ಲಿ ಇವೆ.

ಮುಂಚೂಣಿ 10 ರಾಜ್ಯಗಳ ಸಾಲಿನಲ್ಲಿ ಜಾರ್ಖಂಡ್‌ (4), ಗುಜರಾತ್‌ (5), ಛತ್ತೀಸಗಡ (6), ಮಧ್ಯಪ್ರದೇಶ (7), ಕರ್ನಾಟಕ (8), ರಾಜಸ್ಥಾನ (9) ಮತ್ತು ಪಶ್ಚಿಮ ಬಂಗಾಳ 10ನೇ ಸ್ಥಾನದಲ್ಲಿ ಇವೆ. ಮೇಘಾಲಯವು ಕೊನೆಯ 36ನೇ ಸ್ಥಾನದಲ್ಲಿ ಇದೆ.

‘ಡಿಐಪಿಪಿ’ಯು, ವಿಶ್ವ ಬ್ಯಾಂಕ್‌ನ ಸಹಯೋಗದಲ್ಲಿ, ಎಲ್ಲ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ವಹಿವಾಟು ಸುಧಾರಣಾ ಕ್ರಿಯಾ ಯೋಜನೆಯಲ್ಲಿ (ಬಿಆರ್‌ಎಪಿ) ಸೂಚಿಸಲಾಗಿದ್ದ ವಾರ್ಷಿಕ ಸುಧಾರಣಾ ಕ್ರಮಗಳನ್ನು ಪರಿಶೀಲನೆಗೆ ಒಳಪಡಿಸಿತ್ತು. ‘ಬಿಆರ್‌ಎಪಿ 2017’ರಲ್ಲಿ ನೀಡಿದ್ದ ಸಲಹೆಗಳನ್ನು ಪಾಲಿಸುವಲ್ಲಿ ಬಹುತೇಕ ರಾಜ್ಯಗಳು ಗಮನಾರ್ಹ ಪ್ರಗತಿ ಸಾಧಿಸಿವೆ.

ಉದ್ದಿಮೆ ವಹಿವಾಟುದಾರರಿಗೆ ಒದಗಿಸಿದ ಸೇವೆಗಳ ಬಗ್ಗೆ ಅವರ ಪ್ರತಿಕ್ರಿಯೆ ಆಧರಿಸಿ ಸುಲಲಿತ ಉದ್ದಿಮೆ ವಹಿವಾಟಿನ ಶ್ರೇಯಾಂಕ ನಿರ್ಧರಿಸಲಾಗಿದೆ. ಸುಧಾರಣೆಗಳನ್ನು ಜಾರಿಗೆ ತರುವ ವಿಷಯದಲ್ಲಿ 17 ರಾಜ್ಯಗಳು ಉತ್ತಮ ಸಾಧನೆ ಮಾಡಿವೆ.

ಮುಖ್ಯಾಂಶಳು

* 2 ಮತ್ತು 3ನೇ ಸ್ಥಾನದಲ್ಲಿ ತೆಲಂಗಾಣ ಮತ್ತು ಹರಿಯಾಣ

* ಮೇಘಾಲಯ ಕೊನೆಯ (36) ಸ್ಥಾನದಲ್ಲಿ

* 17 ರಾಜ್ಯಗಳಿಂದ ಉತ್ತಮ ಸಾಧನೆ

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !