ಕೇಂದ್ರ ಸರ್ಕಾರದಿಂದ ಆಕಸ್ಮಿಕ ಲಾಭ ತೆರಿಗೆ ಹೆಚ್ಚಳ

ಡೀಸೆಲ್‌ ರಫ್ತು ಮೇಲಿನ ತೆರಿಗೆಯನ್ನು ಪ್ರತಿ ಲೀಟರಿಗೆ ₹ 11 ರಷ್ಟು ಇದ್ದಿದ್ದು ₹ 5ಕ್ಕೆ ಇಳಿಕೆ ಮಾಡಲಾಗಿದೆ. ದೇಶದಲ್ಲಿ ಉತ್ಪಾದನೆ ಆಗುವ ಕಚ್ಚಾ ತೈಲದ ಮೇಲಿನ ಆಕಸ್ಮಿಕ ಲಾಭ ತೆರಿಗೆಯನ್ನು ಪ್ರತಿ ಟನ್‌ಗೆ ₹ 17 ಸಾವಿರದಿಂದ ₹ 17,750ಕ್ಕೆ ಏರಿಕೆ ಮಾಡಲಾಗಿದೆ.

ದೇಶದ ವ್ಯಾಪಾರ ಕೊರತೆ ಅಂತರವು ಭಾರಿ ಹೆಚ್ಚಳ ಕಂಡಿರುವುದರಿಂದ ಸರ್ಕಾರವು ಈ ನಿರ್ಧಾರ ತೆಗೆದುಕೊಂಡಿದೆ.

ಸರ್ಕಾರವು ಜುಲೈ 1 ರಂದು ರಫ್ತು ತೆರಿಗೆ ಮತ್ತು ಆಕಸ್ಮಿಕ ಲಾಭ ತೆರಿಗೆ ವಿಧಿಸಿತು. ಬಳಿಕ ಜುಲೈ 20ರಂದು ಕೆಲವೊಂದು ಬದಲಾವಣೆಗಳನ್ನು ಮಾಡಲಾಯಿತು. ಪೆಟ್ರೋಲ್‌ ಮೇಲಿನ ರಫ್ತು ತೆರಿಗೆಯನ್ನು ಕೈಬಿಡಲಾಯಿತು. ಡೀಸೆಲ್ ಮತ್ತು ಎಟಿಎಫ್‌ ರಫ್ತು ಮೇಲಿನ ತೆರಿಗೆಯನ್ನು ಪ್ರತಿ ಲೀಟರಿಗೆ ₹ 6ರಷ್ಟು ಕಡಿಮೆ ಮಾಡಲಾಯಿತು. ದೇಶದಲ್ಲಿ ಉತ್ಪಾದನೆ ಆಗುವ ಕಚ್ಚಾ ತೈಲದ ಮೇಲಿನ ಪ್ರತಿ ಟನ್‌ಗೆ ₹ 23,250ರಷ್ಟು ವಿಧಿಸಿದ್ದ ಆಕಸ್ಮಿಕ ಲಾಭ ತೆರಿಗೆಯನ್ನು ₹ 17,750ಕ್ಕೆ ಏರಿಕೆ ಮಾಡಲಾಗಿತ್ತು. ಇದೀಗ ಎರಡನೇ ಬಾರಿಗೆ ತೆರಿಗೆ ದರಗಳಲ್ಲಿ ಬದಲಾವಣೆ ಮಾಡಲಾಗಿದೆ.