ನವದೆಹಲಿ: ಕೇಂದ್ರ ಸರ್ಕಾರವು ಭಾರತ್ ಬಾಂಡ್ ಇಟಿಎಫ್ನ ಮೂರನೇ ಕಂತನ್ನು ಶೀಘ್ರವೇ ಬಿಡುಗಡೆ ಮಾಡುವ ಸಾಧ್ಯತೆ ಇದೆ ಎಂದು ಮೂಲಗಳು ಹೇಳಿವೆ.
ಕೇಂದ್ರೋದ್ಯಮಗಳು (ಸಿಪಿಎಸ್) ₹ 12 ಸಾವಿರ ಕೋಟಿ ಬಂಡವಾಳ ಸಂಗ್ರಹಿಸುವ ಯೋಜನೆ ಹೊಂದಿವೆ. ಕೆಲವೇ ತಿಂಗಳುಗಳಲ್ಲಿ ಭಾರತ್ ಬಾಂಡ್ ಇಟಿಎಫ್ನ ಮುಂದಿನ ಕಂತು ಬಿಡುಗಡೆ ಮಾಡುವ ಆಲೋಚನೆ ನಡೆದಿದೆ ಎಂದು ಮೂಲಗಳು ತಿಳಿಸಿವೆ.
ಜುಲೈನಲ್ಲಿ ಬಿಡುಗಡೆ ಮಾಡಿದ್ದ ಎರಡನೇ ಕಂತಿನಲ್ಲಿ ₹ 11 ಸಾವಿರ ಕೋಟಿ ಸಂಗ್ರಹವಾಗಿತ್ತು. 2019ರ ಡಿಸೆಂಬರ್ನಲ್ಲಿ ₹ 12,400 ಕೋಟಿ ಸಂಗ್ರಹವಾಗಿತ್ತು.
ಕೇಂದ್ರೋದ್ಯಮಗಳ ಬಂಡವಾಳ ವೆಚ್ಚದ ಅಗತ್ಯವನ್ನು ಪೂರೈಸಿಕೊಳ್ಳಲು ಈ ಮಾರ್ಗವು ಅನುಕೂಲಕರ. ಮೊದಲ ಕಂತಿನಲ್ಲಿ ಬಾಂಡ್ಗಳ ಮುಕ್ತಾಯ ಅವಧಿ 3ರಿಂದ 10 ವರ್ಷಗಳವರೆಗೆ ಹಾಗೂ ಎರಡನೇ ಕಂತಿನಲ್ಲಿ 5ರಿಂದ 12 ವರ್ಷಗಳು ಇತ್ತು.