ನವದೆಹಲಿ: ಸಾಮಾನ್ಯ ಭವಿಷ್ಯ ನಿಧಿಯ (ಜಿಪಿಎಫ್) ಏಪ್ರಿಲ್– ಜೂನ್ ತ್ರೈಮಾಸಿಕದ ಬಡ್ಡಿದರದಲ್ಲಿ (ಶೇ 8) ಯಥಾಸ್ಥಿತಿ ಕಾಯ್ದುಕೊಳ್ಳಲಾಗಿದೆ.
ಈ ದರವು ಸಾರ್ವಜನಿಕ ಭವಿಷ್ಯ ನಿಧಿಯ (ಪಿಪಿಎಫ್) ಬಡ್ಡಿ ದರಕ್ಕೆ ಸಮಾನವಾಗಿದೆ. ಜನವರಿ – ಮಾರ್ಚ್ ತ್ರೈಮಾಸಿಕದಲ್ಲಿಯೂ ಇದೇ ದರ ಇತ್ತು.
ಕೇಂದ್ರ ಸರ್ಕಾರಿ ನೌಕರರು, ರೈಲ್ವೆ ಮತ್ತು ರಕ್ಷಣಾ ವಲಯದ ಸಿಬ್ಬಂದಿಯ ‘ಜಿಪಿಎಫ್’ಗೆ ಈ ಬಡ್ಡಿ ದರ ಅನ್ವಯವಾಗುತ್ತದೆ. ಅಂಚೆ ಕಚೇರಿಯ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರಗಳಲ್ಲಿಯೂ ಯಥಾಸ್ಥಿತಿ ಕಾಯ್ದುಕೊಳ್ಳಲಾಗಿದೆ.