ನವದೆಹಲಿ: ವಿವಿಧ ಸೇವೆಗಳನ್ನು ನೀಡುವ, ವಾರ್ಷಿಕ ₹ 50 ಲಕ್ಷದವರೆಗೆ ವಹಿವಾಟು ನಡೆಸುತ್ತಿರುವವರಿಗೆ ರಾಜಿ ತೆರಿಗೆ (ಕಂಪೋಸಿಷನ್ ಸ್ಕೀಮ್) ಆಯ್ಕೆ ಮಾಡಿಕೊಳ್ಳಲು ಈ ತಿಂಗಳ 30ರವರೆಗೆ ಅವಕಾಶ ನೀಡಲಾಗಿದೆ.
ಇದನ್ನು ಆಯ್ಕೆ ಮಾಡಿಕೊಳ್ಳುವವರು ‘ಜಿಎಸ್ಟಿ ಸಿಎಂಪಿ–02’ ಅರ್ಜಿ ನಮೂನೆ ಸಲ್ಲಿಸಬೇಕು. ಹೊಸದಾಗಿ ಆಯ್ಕೆ ಮಾಡಿಕೊಳ್ಳುವಾಗ ನೋಂದಣಿ ಸಂದರ್ಭದಲ್ಲಿ ‘ಜಿಎಸ್ಟಿ ಆರ್ಇಜಿ–01’ ಅರ್ಜಿ ನಮೂನೆ ಸಲ್ಲಿಸಬೇಕು.
ಹಣಕಾಸು ವರ್ಷದ ಆರಂಭದಿಂದ ಅಥವಾ ಹೊಸ ನೋಂದಣಿ ಸಂಖ್ಯೆ ಪಡೆದ ದಿನಾಂಕದಿಂದ ಶೇ 6ರ ತೆರಿಗೆ ದರ ಅನ್ವಯಿಸಲಿದೆ ಎಂದು ಪರೋಕ್ಷ ತೆರಿಗೆ ಮತ್ತು ಕಸ್ಟಮ್ಸ್ನ ಕೇಂದ್ರೀಯ ಮಂಡಳಿ (ಸಿಬಿಐಸಿ) ತಿಳಿಸಿದೆ.