₹ 1 ಲಕ್ಷ ಕೋಟಿ ಜಿಎಸ್‌ಟಿ ಸಂಗ್ರಹ

ಏಪ್ರಿಲ್‌ನಲ್ಲಿ ಸಂಗ್ರಹವಾಗಿದ್ದ ₹ 1.13 ಲಕ್ಷ ಕೋಟಿಗೆ ಹೋಲಿಸಿದರೆ ಈ ಬಾರಿಯ ಸಂಗ್ರಹದಲ್ಲಿ ಇಳಿಕೆ ಕಂಡುಬಂದಿದೆ.

2018ರ ಮೇನಲ್ಲಿ ₹ 94,016 ಕೋಟಿ ಸಂಗ್ರಹವಾಗಿತ್ತು. ಇದಕ್ಕೆ ಹೋಲಿಸಿದರೆ ಮೇನಲ್ಲಿ ಶೇ 6.67ರಷ್ಟು ಏರಿಕೆಯಾಗಿದೆ.

ಸತತ ಮೂರನೇ ತಿಂಗಳಿನಲ್ಲಿಯೂ ಜಿಎಸ್‌ಟಿ ಸಂಗ್ರಹ ₹ 1 ಲಕ್ಷ ಕೋಟಿಯ ಗಡಿ ದಾಟಿದೆ. ಮಾರ್ಚ್‌ನಲ್ಲಿ ₹ 1.06 ಲಕ್ಷ ಕೋಟಿ ಇತ್ತು ಎಂದು ಹೇಳಿದೆ.

2019ರ ಫೆಬ್ರುವರಿ–ಮಾರ್ಚ್ ಅವಧಿಗೆ ರಾಜ್ಯಗಳಿಗೆ ಜಿಎಸ್‌ಟಿ ಪರಿಹಾರವಾಗಿ ₹18,934 ಕೋಟಿ ಬಿಡುಗಡೆ ಮಾಡಲಾಗಿದೆ.

ಜಿಎಸ್‌ಟಿ–ಆರ್‌ ಸಲ್ಲಿಕೆಯು 72.13 ಲಕ್ಷದಿಂದ72.45 ಲಕ್ಷಕ್ಕೆ ಏರಿಕೆಯಾಗಿದೆ.

2018–19ರ ತಿಂಗಳ ಸರಾಸರಿ ವರಮಾನ ಸಂಗ್ರಹ ₹ 98,114 ಕೋಟಿ ಇತ್ತು. ಇದಕ್ಕೆ ಹೋಲಿಸಿದರೆ 2019ರ ಮೇ ತಿಂಗಳ ವರಮಾನ ಸಂಗ್ರಹ ಶೇ 2.21ರಷ್ಟು ಹೆಚ್ಚಾಗಿದೆ.