2020ರ ಸೆಪ್ಟೆಂಬರ್‌ ತಿಂಗಳಿನಲ್ಲಿ ಆಗಿದ್ದ ಜಿಎಸ್‌ಟಿ ಸಂಗ್ರಹ ₹ 95,480 ಕೋಟಿ. 2019ರ ಸೆಪ್ಟೆಂಬರ್‌ನಲ್ಲಿ ₹ 91,916 ಕೋಟಿ ಜಿಎಸ್‌ಟಿ ಸಂಗ್ರಹವಾಗಿತ್ತು. ಈ ಬಾರಿ ಆಗಿರುವ ಸಂಗ್ರಹವು ಹಿಂದಿನ ಎರಡು ವರ್ಷಗಳಲ್ಲಿನ ಸಂಗ್ರಹಕ್ಕಿಂತ ಹೆಚ್ಚು. ಇದು, ಏಪ್ರಿಲ್‌ ನಂತರದಲ್ಲಿ ಆಗಿರುವ ಅತಿಹೆಚ್ಚಿನ ಸಂಗ್ರಹ ಕೂಡ ಹೌದು. ಏಪ್ರಿಲ್‌ನಲ್ಲಿ ₹ 1.41 ಲಕ್ಷ ಕೋಟಿ ಸಂಗ್ರಹವಾಗಿತ್ತು.

ಸೆಪ್ಟೆಂಬರ್‌ ತಿಂಗಳ ಜಿಎಸ್‌ಟಿ ವರಮಾನದಲ್ಲಿ ಕೇಂದ್ರ ಜಿಎಸ್‌ಟಿ ಪಾಲು ₹ 20,578 ಕೋಟಿ, ರಾಜ್ಯ ಜಿಎಸ್‌ಟಿ ಪಾಲು ₹ 26,767 ಕೋಟಿ, ಸಮಗ್ರ ಜಿಎಸ್‌ಟಿ ಪಾಲು ₹ 60,911 ಕೋಟಿ ಎಂದು ಕೇಂದ್ರ ಹಣಕಾಸು ಸಚಿವಾಲಯ ತಿಳಿಸಿದೆ. ಸೆಸ್‌ ಮೂಲಕ ಸಂಗ್ರಹವಾಗಿರುವ ಮೊತ್ತ ₹ 8,754 ಕೋಟಿ.

ಹಿಂದಿನ ವರ್ಷದ ಸೆಪ್ಟೆಂಬರ್‌ ಮಟ್ಟಕ್ಕೆ ಹೋಲಿಸಿದರೆ ಉತ್ಪನ್ನಗಳ ಆಮದಿನಿಂದ ದೊರೆತ ವರಮಾನವು ಈ ಬಾರಿಯ ಸೆಪ್ಟೆಂಬರ್‌ನಲ್ಲಿ ಶೇ 30ರಷ್ಟು, ದೇಶಿ ವಹಿವಾಟಿನಿಂದ ಬಂದ ವರಮಾನವು ಶೇ 20ರಷ್ಟು ಹೆಚ್ಚು. ‘ಅರ್ಥ ವ್ಯವಸ್ಥೆಯು ತ್ವರಿತವಾಗಿ ಚೇತರಿಕೆ ಕಾಣುತ್ತಿದೆ ಎಂಬುದನ್ನು ಜಿಎಸ್‌ಟಿ ಸಂಗ್ರಹವು ತೋರಿಸುತ್ತಿದೆ. ಆರ್ಥಿಕ ಬೆಳವಣಿಗೆಯ ಜೊತೆಯಲ್ಲೇ ತೆರಿಗೆ ವಂಚಿಸುವವರ ವಿರುದ್ಧ ತೆಗೆದುಕೊಂಡ ಕ್ರಮಗಳು ಕೂಡ ಜಿಎಸ್‌ಟಿ ಸಂಗ್ರಹ ಹೆಚ್ಚುವುದಕ್ಕೆ ಕಾರಣ’ ಎಂದು ಸಚಿವಾಲಯ ಹೇಳಿದೆ.

‘ಹಬ್ಬಗಳ ಋತು ಬಂದಿರುವ ಕಾರಣ ಜಿಎಸ್‌ಟಿ ಸಂಗ್ರಹವು ಇನ್ನಷ್ಟು ಹೆಚ್ಚಾಗಬಹುದು’ ಎಂದು ತಜ್ಞರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಜಿಎಸ್‌ಟಿ ಸಂಗ್ರಹ: ತಿಂಗಳ ವಿವರ
ತಿಂಗಳು; ಮೊತ್ತ
ಏಪ್ರಿಲ್‌; ₹ 1.41 ಲಕ್ಷ ಕೋಟಿ
ಮೇ; ₹ 1.02 ಲಕ್ಷ ಕೋಟಿ
ಜೂನ್‌; ₹ 92,849 ಕೋಟಿ
ಜುಲೈ; ₹ 1.16 ಲಕ್ಷ ಕೋಟಿ
ಆಗಸ್ಟ್‌; ₹ 1.12 ಲಕ್ಷ ಕೋಟಿ
ಸೆಪ್ಟೆಂಬರ್‌: ₹ 1.17 ಲಕ್ಷ ಕೋಟಿ