7

ಜಿಎಸ್‌ಟಿ ವಾರ್ಷಿಕ ರಿಟರ್ನ್‌: 21ಕ್ಕೆ ಚರ್ಚೆ

Published:
Updated:

ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆಯ (ಜಿಎಸ್‌ಟಿ) ವಾರ್ಷಿಕ ರಿಟರ್ನ್‌ ಮತ್ತು ಲೆಕ್ಕಪತ್ರ ವಿವರ ಸಲ್ಲಿಕೆಯ ಸ್ವರೂಪವನ್ನು ಇದೇ 21ರಂದು ನಡೆಯಲಿರುವ ಜಿಎಸ್‌ಟಿ ಮಂಡಳಿ ಸಭೆಯು ಅಂತಿಮಗೊಳಿಸಲಿದೆ.

ಜಿಎಸ್‌ಟಿ ಜಾರಿಗೆ ಬಂದು ಒಂದು ವರ್ಷ ಪೂರ್ಣಗೊಂಡಿದ್ದು, ವಹಿವಾಟುದಾರರು 2017–18ನೇ ಹಣಕಾಸು ವರ್ಷಕ್ಕೆ ವಾರ್ಷಿಕ ರಿಟರ್ನ್‌ಗಳನ್ನು (ಜಿಎಸ್‌ಟಿಆರ್‌–9) ಈ ವರ್ಷದ  ಡಿಸೆಂಬರ್‌ 31ರ ಒಳಗೆ ಸಲ್ಲಿಸಬೇಕಾಗುತ್ತದೆ.

₹ 2 ಕೋಟಿಗಿಂತ ಹೆಚ್ಚಿನ ವಹಿವಾಟಿನ ಉದ್ದಿಮೆ ಸಂಸ್ಥೆಗಳು ವಾರ್ಷಿಕ ರಿಟರ್ನ್‌ ಜತೆ, ಲೆಕ್ಕಪತ್ರ ವರದಿಗಳನ್ನೂ ಸಲ್ಲಿಸಬೇಕಾಗುತ್ತದೆ.

ವಾರ್ಷಿಕ ರಿಟರ್ನ್‌ ಅರ್ಜಿ ನಮೂನೆಗಳ ಕರಡು ಪ್ರತಿಯನ್ನು ರೆವಿನ್ಯೂ ಅಧಿಕಾರಿಗಳು ಅಂತಿಮಗೊಳಿಸಿದ್ದಾರೆ. ಜಿಎಸ್‌ಟಿ ಮಂಡಳಿಯ ಮುಂದಿನ ಸಭೆಯಲ್ಲಿ ಈ ಬಗ್ಗೆ ವಿಸ್ತೃತ ಚರ್ಚೆ ನಡೆಯಲಿದೆ.  ಈ ಪರೋಕ್ಷ ತೆರಿಗೆ ವ್ಯವಸ್ಥೆಯ ಬೆನ್ನೆಲುಬು ಆಗಿರುವ ಜಿಎಸ್‌ಟಿಎನ್‌, ಸಭೆಯ ಅನುಮೋದನೆ ನಂತರ ಇದಕ್ಕೆ ಪೂರಕವಾದ ಸಾಫ್ಟ್‌ವೇರ್‌ ಅಂತಿಮಗೊಳಿಸಲಿದೆ.

ವಾರ್ಷಿಕ ರಿಟರ್ನ್ಸ್‌ ಅರ್ಜಿಯು ಈ ಮೊದಲು ಜಾರಿಯಲ್ಲಿದ್ದ ಮೌಲ್ಯವರ್ಧಿತ ತೆರಿಗೆಯ (ವ್ಯಾಟ್‌) ಸ್ವರೂಪದಲ್ಲಿ ಇರಲಿದೆ. ಅದರಲ್ಲಿ ಆದಾಯ ತೆರಿಗೆ ವಿವರ ಸಲ್ಲಿಕೆ ಮತ್ತು ಲೆಕ್ಕಪತ್ರ ತಪಾಸಣಾ ವರದಿ ಉಲ್ಲೇಖಿಸಲೂ ಅವಕಾಶ ಇರಲಿದೆ.

ಅಕ್ಟೋಬರ್‌ ತಿಂಗಳಲ್ಲಿ ಈ ಅರ್ಜಿಗಳು ಲಭ್ಯವಾಗಿರಲಿವೆ. ಇದರಿಂದ ಡಿಸೆಂಬರ್‌ ಅಂತ್ಯದ ವೇಳೆಗೆ ವಾರ್ಷಿಕ ರಿಟರ್ನ್‌ ಸಲ್ಲಿಸಲು ನೆರವಾಗಲಿದೆ.

ತಿಂಗಳ ರಿಟರ್ನ್‌ ಸಲ್ಲಿಕೆಯಲ್ಲಿ ವಹಿವಾಟುದಾರರು ಕೆಲ ತಪ್ಪುಗಳನ್ನು ಮಾಡಿದರೂ ವಾರ್ಷಿಕ ರಿಟರ್ನ್‌ ಸಲ್ಲಿಸುವಾಗ ಸರಿಪಡಿಸಲು ಅವಕಾಶ ಲಭ್ಯವಾಗಲಿದೆ.

 

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !