ನವದೆಹಲಿ: ಐಟಿಸಿ ವಂಚನೆ ತಡೆಯಲು ಮತ್ತು ಪ್ರಾಮಾಣಿಕರಿಗೆ ಐಟಿಸಿ ಸಿಗುವಂತೆ ಮಾಡುವ ಉದ್ದೇಶದಿಂದ ಜಿಎಸ್ಟಿ ಮಂಡಳಿಯು ಜಿಎಸ್ಟಿಆರ್–3ಬಿ ಅರ್ಜಿ ನಮೂನೆಯಲ್ಲಿ ಕೆಲವೊಂದಿಷ್ಟು ಬದಲಾವಣೆಗಳನ್ನು ತರುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.
ತೆರಿಗೆದಾರರಿಗೆ ಬರಬೇಕಿರುವ ಐಟಿಸಿಯ ಸರಾಸರಿ ಮೊತ್ತ, ನಿರ್ದಿಷ್ಟ ತಿಂಗಳಿನಲ್ಲಿ ಕ್ಲೇಮ್ ಮಾಡಿರುವ ಮೊತ್ತ ಮತ್ತು ತೆರಿಗೆದಾರರ ಲೆಡ್ಜರ್ನಲ್ಲಿ ಉಳಿದಿರುವ ನಿವ್ವಳ ಮೊತ್ತದ ಬಗ್ಗೆ ವಿವರಗಳುಪರಿಷ್ಕೃತ ಅರ್ಜಿ ನಮೂನೆಯಲ್ಲಿ ಇರಲಿವೆ.
ಜಿಎಸ್ಟಿ ಮಂಡಳಿಯ ಮುಂದಿನ ತಿಂಗಳು ಸಭೆ ಸೇರುವ ಸಾಧ್ಯತೆ ಇದೆ. ತಿಂಗಳ ತೆರಿಗೆ ಪಾವತಿಯ ಅರ್ಜಿ ನಮೂನೆ ಜಿಎಸ್ಟಿಆರ್–3ಬಿಯಲ್ಲಿ ಬದಲಾವಣೆ ಮಾಡುವುದರಿಂದ ಅನರ್ಹ ಐಟಿಸಿ ಸಲ್ಲಿಸುವವರನ್ನು ಪತ್ತೆ ಮಾಡಲು ನೆರವಾಗಲಿದೆ ಎಂದು ಎಎಂಆರ್ಜಿ ಆ್ಯಂಡ್ ಅಸೋಸಿಯೇಟ್ಸ್ನ ಹಿರಿಯ ಪಾಲುದಾರ ರಜತ್ ಮೋಹನ್ ಹೇಳಿದ್ದಾರೆ.