ನವದೆಹಲಿ: ಜಿಎಸ್ಟಿ ಜಾಲತಾಣವನ್ನು ಮೇಲ್ದರ್ಜೆಗೆ ಏರಿಸಲಾಗಿದ್ದು, ಏಕಕಾಲಕ್ಕೆ 3 ಲಕ್ಷ ತೆರಿಗೆದಾರರು ಲಾಗಿನ್ ಆಗಬಹುದಾಗಿದೆ ಎಂದು ಜಿಎಸ್ಟಿ ಜಾಲತಾಣವು ಭಾನುವಾರ ತಿಳಿಸಿದೆ.
ಲಾಕ್ಡೌನ್ ಸಡಿಲಿಸುತ್ತಿರುವುದರಿಂದ ಪರೋಕ್ಷ ತೆರಿಗೆಗೆ ಸಂಬಂಧಿಸಿದ ಚುಟವಟಿಕೆಗಳಲ್ಲಿ ಗಣನೀಯ ಏರಿಕೆ ಆಗುತ್ತಿದೆ. ಹೀಗಾಗಿ ಜಾಲತಾಣದ ಸಾಮರ್ಥ್ಯವನ್ನು 1.5 ಲಕ್ಷದಿಂದ 3 ಲಕ್ಷಕ್ಕೆ ಹೆಚ್ಚಿಸಲಾಗಿದೆ ಎಂದು ಹೇಳಿದೆ.
ಮಾರಾಟಕ್ಕೆ ಸಂಬಂಧಿಸಿದ ‘ಜಿಎಸ್ಟಿಆರ್–3ಬಿ’ಯ ಪಿಡಿಎಫ್ ನಮೂನೆಯು ಇದೇ ತಿಂಗಳ 12ರಿಂದ ಜಾಲತಾಣದಲ್ಲಿ ಲಭ್ಯವಾಗಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.