ನವದೆಹಲಿ: ಕೇಂದ್ರ ಸರ್ಕಾರದ ಪ್ರತಿಯೊಂದು ಇಲಾಖೆಯು ತನ್ನ ಜವಳಿ ಅಗತ್ಯಗಳಿಗಾಗಿ ಶೇ 20ರಷ್ಟು ಉತ್ಪನ್ನಗಳನ್ನು ಕೈಮಗ್ಗ ಕ್ಲಸ್ಟರ್‌ ಮತ್ತು ನೋಂದಾಯಿತ ನೇಕಾರರಿಂದ ಖರೀದಿಸುವುದನ್ನು ಹಣಕಾಸು ಇಲಾಖೆಯು ಕಡ್ಡಾಯ ಮಾಡಿದೆ.
ಈ ಸಂಬಂಧ ಸುತ್ತೋಲೆ ಹೊರಡಿಸಲಾಗಿದೆ. ಕೈಮಗ್ಗ ಕ್ಲಸ್ಟರ್ಸ್‌ಗಳಲ್ಲಿ ಸಹಕಾರಿ ಸಂಘಗಳು, ಸ್ವಸಹಾಯ ಗುಂಪುಗಳ ಒಕ್ಕೂಟಗಳು, ಜಂಟಿ ಹೊಣೆಗಾರಿಕೆಯ ಗುಂಪುಗಳು, ನೇಕಾರರ ನಿಗಮಗಳು ಸೇರಿವೆ.
2020–21ನೇ ಹಣಕಾಸು ವರ್ಷದ ಬಜೆಟ್‌ನಲ್ಲಿ ಖಾದಿ, ಗ್ರಾಮೋದ್ಯೋಗ ಮತ್ತು ತೆಂಗಿನನಾರು ಉದ್ದಿಮೆಯ ಅನುದಾನವನ್ನು ₹ 1,526 ಕೋಟಿಗೆ ಹೆಚ್ಚಿಸಲಾಗಿದೆ.
