ದ್ವಿಚಕ್ರ ವಾಹನಗಳು ಹಾಗೂ ಟ್ರ್ಯಾಕ್ಟರ್ಗಳ ಮಾರಾಟದಲ್ಲಿ ಜೂನ್ ತಿಂಗಳಿನಲ್ಲಿ ಹೆಚ್ಚಳ ಕಂಡುಬಂದಿದೆ. ಹೀಗಿದ್ದರೂ, ಗ್ರಾಮೀಣ ಪ್ರದೇಶಗಳಿಂದ ಹೆಚ್ಚಿನ ಬೇಡಿಕೆ ಬರುತ್ತಿರುವುದು ದಿನಬಳಕೆಯ ವಸ್ತುಗಳಿಗೆ ಮಾತ್ರ ಎಂಬುದನ್ನು ವರದಿ ಗುರುತಿಸಿದೆ. ‘ದೇಶದಲ್ಲಿನ ಒಟ್ಟು ಉತ್ಪಾದನೆ ಹಾಗೂ ಸೇವೆಗಳ ಮೌಲ್ಯಕ್ಕೆ ಕೃಷಿ ರಂಗದ ಕೊಡುಗೆಯು ಶೇಕಡ 17ರಷ್ಟು ಮಾತ್ರ ಆಗಿರುವ ಕಾರಣ, ಗ್ರಾಮೀಣ ಪ್ರದೇಶಗಳಲ್ಲಿ ಈಗ ಕಂಡುಬಂದಿರುವ ಬೇಡಿಕೆಯು ನಗರ ಪ್ರದೇಶಗಳಲ್ಲಿ ಕಾಣುವ ಬೇಡಿಕೆಗೆ ಪರ್ಯಾಯ ಆಗಲಾರದು’ ಎಂದು ಅದು ಹೇಳಿದೆ.