Cryptocurrency: ಕ್ರಿಪ್ಟೋಕರೆನ್ಸಿ ನಿಷೇಧಿಸಲು ಮುಂದಾದ ಭಾರತ

ಈ ಕುರಿತು ಸರ್ಕಾರಿ ಮೂಲದ ಹಿರಿಯ ಅಧಿಕಾರಿ ಮಾಹಿತಿ ನೀಡಿದ್ದು, ದೇಶದಲ್ಲಿ ಕ್ರಿಪ್ಟೋಕರೆನ್ಸಿ ನಿಷೇಧಕ್ಕೆ ಕರಡು ಮಸೂದೆಯನ್ನು ಸಿದ್ಧಪಡಿಸಲಾಗಿದ್ದು, ಜಗತ್ತಿನಲ್ಲೇ ಕಟ್ಟುನಿಟ್ಟಾದ ನೀತಿ ಜಾರಿಯಾಗಲಿದೆ.

ಕ್ರಿಪ್ಟೋಕರೆನ್ಸಿ ಮೂಲಕ ಸ್ವತ್ತುಗಳ ಸ್ವಾಧೀನ, ವಿತರಣೆ, ಗಣಿಗಾರಿಕೆ, ವ್ಯಾಪಾರ, ವರ್ಗಾವಣೆ ನಡೆಸುವುದು ಅಪರಾಧವಾಗಿದೆ ಎಂದು ಅಧಿಕಾರಿಯ ಹೇಳಿಕೆಯನ್ನು ರಾಯಿಟರ್ಸ್ ವರದಿ ಮಾಡಿದೆ.

ಡಿಜೆಟಲ್ ಕರೆನ್ಸಿಗೆ ಕಾನೂನು ಚೌಕಟ್ಟು ನಿರ್ಮಿಸುವ ಮೂಲಕ ಬಿಟ್‌ಕಾಯಿನ್‌ನಂತಹ ಖಾಸಗಿ ವರ್ಚುವಲ್ ಕರೆನ್ಸಿಗಳನ್ನು ನಿಷೇಧಿಸಲು ಸರ್ಕಾರವು ಮುಂದಾಗಿದೆ.

ಇದನ್ನೂ ಓದಿ:ಆಳ-ಅಗಲ: ಕ್ರಿಪ್ಟೋಕರೆನ್ಸಿ ನೆತ್ತಿ ಮೇಲೆ ತೂಗುಗತ್ತಿ

ಜೈಲು ಸಜೆ?
2019ರ ಸರ್ಕಾರಿ ಸಮಿತಿಯು, ಕ್ರಿಪ್ಟೋಕರೆನ್ಸಿಯ ಮೂಲಕ ನಡೆಸುವ ಎಲ್ಲಾ ಸ್ವರೂಪದ ವಹಿವಾಟು ನಿಷೇಧ ನಿಯಮವನ್ನು ಉಲ್ಲಂಘಿಸಿದ್ದರೆ 10 ವರ್ಷಗಳ ಜೈಲು ಶಿಕ್ಷೆಯನ್ನು ಶಿಫಾರಸು ಮಾಡಿತ್ತು.

ಹೊಸ ಕರಡು ಮಸೂದೆಯಲ್ಲೂ ಜೈಲು ಸಜೆ ಹಾಗೂ ದಂಡ ಸೇರಿದ್ದು, ಈ ಬಗ್ಗೆ ಚರ್ಚೆ ಅಂತಿಮ ಹಂತದಲ್ಲಿರುವುದರಿಂದ ಹೆಚ್ಚಿನ ಮಾಹಿತಿ ನೀಡಲು ಅಧಿಕಾರಿಗಳು ನಿರಾಕರಿಸಿದ್ದಾರೆ.