1 ಡಾಲರ್‌ಗೆ ₹ 96.14: ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ಕುಸಿದ ಭಾರತದ ಕರೆನ್ಸಿ

ಭಾರತದ ರೂಪಾಯಿ ಮೌಲ್ಯವು ಮೊದಲ ಬಾರಿಗೆ 96ರ ಗಡಿಯನ್ನು ದಾಟಿ, ಒಂದು ಡಾಲರ್‌ಗೆ 96.14 ರೂಪಾಯಿಯ ಸಾರ್ವಕಾಲಿಕ ಕನಿಷ್ಠ ಮಟ್ಟಕ್ಕೆ ತಲುಪಿದೆ.

ಪಶ್ಚಿಮ ಏಷ್ಯಾದಲ್ಲಿನ ಸಂಘರ್ಷ, ಕಚ್ಚಾ ತೈಲ ಬೆಲೆಯಲ್ಲಿನ ಏರಿಕೆ ಮತ್ತು ಡಾಲರ್‌ನ ಮೌಲ್ಯದಲ್ಲಿನ ಹೆಚ್ಚಳವು ರೂಪಾಯಿಯ ಮೌಲ್ಯ ಕುಸಿಯಲು ಪ್ರಮುಖ ಕಾರಣಗಳಾಗಿವೆ.

ಯುದ್ಧಗಳಿಂದ ಉಂಟಾಗಿರುವ ಜಾಗತಿಕ ಅನಿಶ್ಚಿತತೆ, ವಿದೇಶಿ ಹೂಡಿಕೆಗಳ ನಿರಂತರ ಹೊರಹರಿವು ಮತ್ತು ಹಣದುಬ್ಬರದ ಒತ್ತಡವು ದೇಶೀಯ ಕರೆನ್ಸಿಯ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಿದೆ.

ಡಾಲರ್‌ ಎದುರು ಏಷ್ಯಾದ ಇತರ ರಾಷ್ಟ್ರಗಳ ಕರೆನ್ಸಿಗಳಿಗೆ ಹೋಲಿಸಿದರೆ, ಭಾರತದ ರೂಪಾಯಿಯು ಅತ್ಯಂತ ಕಳಪೆ ಸಾಧನೆಯನ್ನು ದಾಖಲಿಸುತ್ತಿದೆ.

ಅಂತರಬ್ಯಾಂಕ್ ವಿದೇಶಿ ವಿನಿಮಯ ಮಾರುಕಟ್ಟೆಯಲ್ಲಿ ಶುಕ್ರವಾರದಂದು ರೂಪಾಯಿಯು 95.86ರಲ್ಲಿ ವಹಿವಾಟು ಆರಂಭಿಸಿ, ಅಂತಿಮವಾಗಿ 95.67ರಲ್ಲಿ ಸ್ಥಿರಗೊಂಡಿದೆ.