ಟೆಹರಾನ್‌ : ಈಶಾನ್ಯ ಇರಾನ್‌ನಲ್ಲಿ ಭಾನುವಾರ ಸಂಜೆ ಪತನಗೊಂಡಿದ್ದ ಟರ್ಕಿ ವಿಮಾನದಲ್ಲಿದ್ದ ಎಲ್ಲಾ 11 ಮಂದಿ ಮೃತಪಟ್ಟಿದ್ದಾರೆ.
ಈ ವಿಮಾನದಲ್ಲಿ ಎಂಟು ಪ್ರಯಾಣಿಕರು ಮತ್ತು ಮೂರು ಸಿಬ್ಬಂದಿ ಇದ್ದರು ಎಂದು ಟರ್ಕಿ ಮತ್ತು ಇರಾನ್‌ನ ಅಧಿಕಾರಿಗಳು ತಿಳಿಸಿದ್ದಾರೆ.
ಶಾರ್ಜಾದಿಂದ ಇಸ್ತಾಂಬುಲ್‌ಗೆ ಬರುತ್ತಿದ್ದ ಈ ವಿಮಾನ ಜಾಗ್ರೊಸ್‌ ಪರ್ವತದಲ್ಲಿ ಪತನಗೊಂಡಿತ್ತು. ದುರ್ಘಟನೆಗೆ ಕಾರಣ ಏನು ಎಂಬುದು ತಿಳಿದು ಬಂದಿಲ್ಲ. 10 ಮೃತದೇಹಗಳನ್ನು ರಕ್ಷಣಾ ತಂಡ ಹೆಲಿಕಾಪ್ಟರ್‌ ಮೂಲಕ ಶೇರ್‌ ಎ ಕಾರ್ಡ್‌ ವಿಮಾನ ನಿಲ್ದಾಣಕ್ಕೆ ತಂದಿದೆ.
