ಭಾನುವಾರ, ಜೂಲೈ 12, 2020
22 °C
ಐಬಿಎಂ ಜತೆ ವಿಪ್ರೊ ಒಪ್ಪಂದ

ಸೆಲೊನಿಸ್‌ ಜತೆ ಇನ್ಫೊಸಿಸ್‌ ಪಾಲುದಾರಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಬೆಂಗಳೂರು: ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ದೈತ್ಯ ಕಂಪನಿ ಇನ್ಫೊಸಿಸ್‌, ಕೃತಕ ಬುದ್ಧಿಮತ್ತೆ ವಲಯದಲ್ಲಿ ಮುಂಚೂಣಿಯಲ್ಲಿ ಇರುವ ಸೆಲೊನಿಸ್‌ ಜತೆ ಒಪ್ಪಂದ ಮಾಡಿಕೊಂಡಿದೆ.

ಕಂಪನಿಯ ಉದ್ಯಮ ಗ್ರಾಹಕರ ಡಿಜಿಟಲ್‌ ಅಗತ್ಯಗಳನ್ನು ಒದಗಿಸಲು ಈ ಪಾಲುದಾರಿಕೆಯು ಎರಡೂ ಕಂಪನಿಗಳಿಗೆ ನೆರವಾಗಲಿದೆ.

ಉದ್ಯಮದ ಸಂಪನ್ಮೂಲವನ್ನು ಯೋಜಿತ ರೀತಿಯಲ್ಲಿ ನಿರ್ವಹಿಸುವ ಸಾಫ್ಟ್‌ವೇರ್‌ (ಇಆರ್‌ಪಿ) ಆಧುನೀಕರಣ ಮತ್ತು ವಹಿವಾಟಿನ ಗರಿಷ್ಠ ಸದ್ಬಳಕೆಯೂ ಇದರಿಂದ ಸಾಧ್ಯವಾಗಲಿದೆ.

ದೀರ್ಘಾವಧಿ ಯೋಜನೆಗಳಲ್ಲಿಉಳಿತಾಯ, ತಂತ್ರಜ್ಞಾನ ಸವಾಲುಗಳ ನಿರ್ವಹಣೆ ಮತ್ತು ಡಿಜಿಟಲ್ ಬದಲಾವಣೆಗೆ ಎದುರಾಗುವ ಸವಾಲುಗಳನ್ನು ನಿರ್ವಹಿಸಲು ಈ ಪಾಲುದಾರಿಕೆ ನೆರವಾಗಲಿದೆ ಎಂದು ಇನ್ಫೊಸಿಸ್‌ ತಿಳಿಸಿದೆ.

ವಿಪ್ರೊ, ಐಬಿಎಂ ಸಹಯೋಗ: ಐಬಿಎಂ ಜತೆ ಪಾಲುದಾರಿಕೆ ಮಾಡಿಕೊಂಡಿರುವುದಾಗಿ ವಿಪ್ರೊ ತಿಳಿಸಿದೆ.

ಐ.ಟಿ ಉದ್ಯಮದ ಸೂಕ್ಷ್ಮ ಸ್ವರೂಪದ ಅಪ್ಲಿಕೇಷನ್ಸ್‌ ಮತ್ತು ಕಾರ್ಯ ಬಾಹುಳ್ಯವನ್ನು ಸಾರ್ವಜನಿಕ ಇಲ್ಲವೆ ಖಾಸಗಿ ಕ್ಲೌಡ್‌ ಮೂಲಕ ಅಥವಾ ಕಂಪನಿಗಳ ಕಚೇರಿಗಳಲ್ಲಿ ಸಮರ್ಪಕವಾಗಿ ನಿರ್ವಹಿಸಲು ಈ ಸಹಯೋಗ ನೆರವಾಗಲಿದೆ ಎಂದು ಕಂಪನಿ ತಿಳಿಸಿದೆ.

 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು