ಬೆಂಗಳೂರು: ಹ್ಯೂಲೆಟ್ ಪೆಕಾರ್ಡ್ ಎಂಟರಪ್ರೈಸಸ್ (ಎಚ್ಪಿಇ) ಮುಂದಿನ ಐದು ವರ್ಷಗಳಲ್ಲಿ ಭಾರತದಲ್ಲಿ ₹ 3,500 ಕೋಟಿಗಳಷ್ಟು ಬಂಡವಾಳ ಹೂಡಿಕೆ ಮಾಡುವುದಾಗಿ ಪ್ರಕಟಿಸಿದೆ.
ಕಂಪನಿಯು ತನ್ನ ಕಾರ್ಯಾಚರಣೆ, ಉತ್ಪಾದನೆ, ಉದ್ಯೋಗಿಗಳ ಸಂಖ್ಯೆ ಹೆಚ್ಚಿಸಲು, ಸಂಶೋಧನೆ ಮತ್ತು ಅಭಿವೃದ್ಧಿ ಹಾಗೂ ಸೇವೆಗಳ ರಫ್ತು ಹೆಚ್ಚಿಸಲು ಈ ಬಂಡವಾಳದ ನೆರವು ಪಡೆಯಲಿದೆ.
‘ಈ ಹೂಡಿಕೆಯು ಭಾರತವನ್ನು ಸಂಸ್ಥೆಯ ಜಾಗತಿಕ ವಹಿವಾಟಿಗೆ ಮಹತ್ವದ ಮಾರುಕಟ್ಟೆಯನ್ನಾಗಿ ಅಭಿವೃದ್ಧಿಪಡಿಸಲಿದೆ’ ಎಂದು ‘ಎಚ್ಪಿಇ’ನ ಸಿಇಒ ಆಂಟೊನಿಯೊ ಎನ್. ಹೇಳಿದ್ದಾರೆ.
ಬಂಡವಾಳ ಸಂಗ್ರಹ ಬೆಂಗಳೂರು: ಜಾಗತ್ತಿನ ಅತಿ ದೊಡ್ಡ ಕಲಿಕಾ ವೇದಿಕೆಯಾದ ಬ್ರೈನ್ಲಿ ಸಂಸ್ಥೆಯು₹ 210 ಕೋಟಿ ಬಂಡವಾಳ ಸಂಗ್ರಹಿಸಿದೆ.
‘ಭಾರತದಲ್ಲಿ ಕಲಿಕಾ ಸೌಲಭ್ಯ ಅಭಿವೃದ್ಧಿಪಡಿಸಲು ಈ ಬಂಡವಾಳದ ಸದ್ಬಳಕೆ ಮಾಡಿಕೊಳ್ಳಲಾಗುವುದು. ಗುಣಮಟ್ಟದ ಕಲಿಕೆಗೆ ವೇದಿಕೆ ಸೃಷ್ಟಿಸಲಾಗುವುದು’ ಎಂದು ಸಂಸ್ಥೆಯ ಸಿಇಒ ಮೈಕಲ್ ಬೊರ್ಕೊವ್ಸ್ಕಿ ಹೇಳಿದ್ದಾರೆ.