ನವದೆಹಲಿ: ಎರಡು ತಿಂಗಳಿನಲ್ಲಿ ಇದೇ ಮೊದಲ ಬಾರಿಗೆ ವಿಮಾನ ಇಂಧನ (ಎಟಿಎಫ್) ದರ ಇಳಿಕೆ ಮಾಡಲಾಗಿದೆ. ಕಚ್ಚಾ ತೈಲ ದರದಲ್ಲಿ ಇಳಿಕೆ ಆಗಿರುವುದರಿಂದ ವಿಮಾನ ಇಂಧನ ದರವನ್ನು ಶೇಕಡ 3ರಷ್ಟು ತಗ್ಗಿಸಲಾಗಿದೆ.
ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳ ಬೆಲೆ ಅಧಿಸೂಚನೆಯ ಪ್ರಕಾರ, ದೆಹಲಿಯಲ್ಲಿ ವಿಮಾನ ಇಂಧನ ದರವು ಪ್ರತಿ ಕಿಲೊ ಲೀಟರಿಗೆ ₹ 1,887ರಷ್ಟು ಇಳಿಕೆ ಆಗಿದ್ದು, ₹ 58,374.16ಕ್ಕೆ ತಲುಪಿದೆ. ಫೆಬ್ರುವರಿ 1, 16 ಹಾಗೂ ಮಾರ್ಚ್ 1 ಮತ್ತು 16ರಂದು ಒಟ್ಟು ನಾಲ್ಕು ಬಾರಿ ದರ ಹೆಚ್ಚಿಸಲಾಗಿತ್ತು.