ನವದೆಹಲಿ: ಆಂಧ್ರಪ್ರದೇಶ, ದೆಹಲಿ ಮತ್ತು ಮುಂಬೈ ಟೆಲಿಕಾಂ ವೃತ್ತಗಳಲ್ಲಿ ಭಾರ್ತಿ ಏರ್ಟೆಲ್ ಕಂಪನಿಯಿಂದ ಕೆಲವು ತರಂಗಾಂತರಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಳ್ಳಲಾಗಿದೆ ಎಂದು ರಿಲಯನ್ಸ್ ಜಿಯೊ ಕಂಪನಿಯು ಮಂಗಳವಾರ ತಿಳಿಸಿದೆ. ಈ ಖರೀದಿಯ ಮೊತ್ತ ₹ 1,497 ಕೋಟಿ.
‘ನಾವು ಬಳಕೆ ಮಾಡಿಕೊಳ್ಳದಿದ್ದ ತರಂಗಾಂcತರಕ್ಕೆ (ಸ್ಪೆಕ್ಟ್ರಂ) ಒಂದು ಮೌಲ್ಯ ಕಂಡುಕೊಳ್ಳಲು ನಮಗೆ ಈ ಮಾರಾಟ ಒಪ್ಪಂದದಿಂದ ಸಾಧ್ಯವಾಗಿದೆ’ ಎಂದು ಭಾರ್ತಿ ಏರ್ಟೆಲ್ನ ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಗೋಪಾಲ್ ವಿಟ್ಟಲ್ ಹೇಳಿದ್ದಾರೆ.