ಬೆಂಗಳೂರು: ಆಸ್ತಿ ಸಲಹಾ ಸಂಸ್ಥೆ ಜೆಎಲ್ಎಲ್, ಬೆಂಗಳೂರಿನಲ್ಲಿ ತಂತ್ರಜ್ಞಾನ ಮತ್ತು ದತ್ತಾಂಶ ನಿರ್ವಹಣಾ ಕೇಂದ್ರಕ್ಕೆ ಚಾಲನೆ ನೀಡಿದೆ.
ವಿಶ್ವದಾದ್ಯಂತ ಇರುವರಿಯಲ್ ಎಸ್ಟೇಟ್ ಗ್ರಾಹಕರಿಗೆ ಡಿಜಿಟಲ್ ಸೇವೆ ಒದಗಿಸುವ ಉದ್ದೇಶದಿಂದ ಈ ಕೇಂದ್ರ ಸ್ಥಾಪಿಸಲಾಗಿದೆ. ಪ್ರೆಸ್ಟೀಜ್ ಟ್ರೇಡ್ ಟವರ್ ಕಟ್ಟಡದಲ್ಲಿ 20 ಸಾವಿರ ಚದರ ಅಡಿ ಪ್ರದೇಶದಲ್ಲಿ ಈ ಕೇಂದ್ರ ನಿರ್ಮಾಣಗೊಂಡಿದೆ ಎಂದು ಜೆಎಲ್ಎಲ್ ಏಷ್ಯಾ ಪೆಸಿಫಿಕ್ ಸಿಇಒ ಆಂಟನಿ ಕೌಸ್ ತಿಳಿಸಿದರು.
‘ಜಾಗತಿಕ ಮಟ್ಟದಲ್ಲಿ ಆಗು ತ್ತಿರುವ ಬದಲಾವಣೆಗಳಿಗೆ ಅನುಗುಣ ವಾಗಿರಿಯಲ್ ಎಸ್ಟೇಟ್ ಉದ್ಯಮ ಬೆಳೆಯುತ್ತಿದೆ. ತಂತ್ರಜ್ಞಾನ ಬಳಕೆಯೂ ಹೆಚ್ಚಾಗುತ್ತಿದೆ. ತಂತ್ರಜ್ಞಾನ ಮತ್ತು ದತ್ತಾಂಶವು ಈ ಉದ್ಯಮದಲ್ಲಿ ಕ್ರಾಂತಿ ಕಾರಕ ಬದಲಾವಣೆಗೆ ಕಾರಣವಾಗಲಿದೆ. ಈ ಡಿಜಿಟಲ್ ಸ್ಥಿತ್ಯಂತರ ಪ್ರಕ್ರಿಯೆಯಲ್ಲಿ ಮುಂಚೂಣಿಯಲ್ಲಿರಲು ಜೆಎಲ್ಎಲ್ ಬಯಸುತ್ತದೆ’ ಎಂದು ಹೇಳಿದರು.
ದತ್ತಾಂಶ ಮತ್ತು ತಂತ್ರಜ್ಞಾನ ವಿನ್ಯಾಸದ ಬಗ್ಗೆ ಪ್ರಯೋಗಗಳು, ಕೃತಕ ಬುದ್ಧಿಮತ್ತೆ, ಆಗ್ಮೆಂಟೆಡ್ ರಿಯಾಲಿಟಿ, ವರ್ಚುವಲ್ ರಿಯಾಲಿಟಿ ಮತ್ತು ಇನ್ನಿತರ ಹೊಸ ತಂತ್ರಜ್ಞಾನಗಳು ಜೆಎಲ್ಎಲ್ ಗ್ರಾಹಕರಿಗೆ ಉತ್ತಮ ನಿರ್ಧಾರಗಳನ್ನು ತೆಗೆದುಕೊಳ್ಳಲು ನೆರವಾಗಲಿವೆ.