ನವದೆಹಲಿ: ವಿದ್ಯುತ್ ಚಾಲಿತ ವಾಹನ ಖರೀದಿಸುವಂತೆ ತನ್ನ ನೌಕರರಿಗೆ ಉತ್ತೇಜಿಸಲು ₹ 3 ಲಕ್ಷದವರೆಗೆ ಪ್ರೋತ್ಸಾಹ ಧನ ನೀಡಲು ಜೆಎಸ್ಡಬ್ಲ್ಯು ಸಮೂಹ ಮುಂದಾಗಿದೆ. ಈ ಕ್ರಮವು ಜನವರಿ 1ರಿಂದ ಜಾರಿಗೆ ಬರಲಿದೆ.
ದೇಶದ ಪ್ರಮುಖ ಕಾರ್ಪೊರೇಟ್ ಕಂಪನಿಯೊಂದು ಇಂತಹ ಉತ್ತೇಜನ ಕ್ರಮ ಕೈಗೊಂಡಿರುವುದು ಇದೇ ಮೊದಲು. ನೌಕರರು ವಿದ್ಯುತ್ ಚಾಲಿತ ದ್ವಿಚಕ್ರ ವಾಹನ ಖರೀದಿಸಬಹುದು ಅಥವಾ ವಿದ್ಯುತ್ ಚಾಲಿತ ಕಾರು ಖರೀದಿಸಬಹುದು. ಅವರಿಗೆ ₹ 3 ಲಕ್ಷದವರೆಗೆ ಪ್ರೋತ್ಸಾಹ ಧನ ಸಿಗಲಿದೆ.
ಇಷ್ಟು ಮಾತ್ರವೇ ಅಲ್ಲದೆ, ವಿದ್ಯುತ್ ಚಾಲಿತ ವಾಹನ ಖರೀದಿಸಿದವರಿಗೆ ಚಾರ್ಜಿಂಗ್ ಕೇಂದ್ರಗಳ ಸೌಲಭ್ಯವೂ ಸಿಗಲಿದೆ. ಅವರಿಗೆ ವಾಹನ ನಿಲುಗಡೆಗೆ ಕಂಪನಿಯ ಕೇಂದ್ರಗಳಲ್ಲಿ ನಿಗದಿತ ಸ್ಥಳವೂ ಸಿಗಲಿದೆ.