ಬೆಂಗಳೂರು: ಕರೂರ್ ವೈಶ್ಯ ಬ್ಯಾಂಕ್‌ ಗ್ರಾಹಕರು ಜಿಎಸ್‌ಟಿ ಸಂಬಂಧಿತ ಪಾವತಿಗಳನ್ನು ಬ್ಯಾಂಕ್‌ ಮೂಲಕ ಮಾಡಬಹುದು ಎಂದು ಪ್ರಕಟಣೆ ತಿಳಿಸಿದೆ.
ಕರೂರ್ ವೈಶ್ಯ ಬ್ಯಾಂಕ್‌ಗೆ ಜಿಎಸ್‌ಟಿ ಸಂಬಂಧಿತ ಪಾವತಿಗಳ ಸೇವೆ ಒದಗಿಸಲು ಮಾನ್ಯತೆ ದೊರೆತಿದೆ. ಪಾವತಿಗಳನ್ನು ಬ್ಯಾಂಕ್‌ನ ಇಂಟರ್ನೆಟ್‌ ಬ್ಯಾಂಕಿಂಗ್ ಸೌಲಭ್ಯ ಹಾಗೂ ಕೌಂಟರ್ ಮೋಡ್ ಮೂಲಕ ಮಾಡಬಹುದು.
‘ಜಿಎಸ್‌ಟಿ ಪಾವತಿ ಸೇವೆ ದೊರೆಯುತ್ತಿರುವುದು ನಮ್ಮ ಗ್ರಾಹಕರ ದೀರ್ಘಕಾಲದ ಬೇಡಿಕೆಯನ್ನು ಪೂರೈಸಲಿದೆ. ಇದು ಚಾಲ್ತಿ ಖಾತೆಗಳ ತೆರೆಯುವಿಕೆ ಅಭಿಯಾನವನ್ನು ಬಲಗೊಳಿಸಲು ನೆರವಾಗಲಿದೆ’ ಎಂದು ಬ್ಯಾಂಕಿನ ವ್ಯವಸ್ಥಾಪಕ ನಿರ್ದೇಶಕ ಹಾಗೂ ಸಿಇಒ ಬಿ. ರಮೇಶ್ ಬಾಬು ಅವರು ಹೇಳಿದ್ದಾರೆ.
