ಗುರುವಾರ , ಏಪ್ರಿಲ್ 9, 2020
19 °C

ಸದ್ಯಕ್ಕೆ ಏನೂ ಹೇಳಲಾರೆ: ವೊಡಾಫೋನ್‌ ಐಡಿಯಾ ಮುಖ್ಯಸ್ಥ ಬಿರ್ಲಾ

ಏಜೆನ್ಸೀಸ್ Updated:

ಅಕ್ಷರ ಗಾತ್ರ : | |

ವೊಡಾಫೋನ್‌ ಐಡಿಯಾ ಮುಖ್ಯಸ್ಥ ಕುಮಾರ್‌ ಮಂಗಳಂ ಬಿರ್ಲಾ

ನವದೆಹಲಿ: ತರಂಗಾಂತರ ಬಳಕೆ ಹಾಗೂ ಪರವಾನಗಿ ಶುಲ್ಕ ಸೇರಿದಂತೆ ವೊಡಾಫೋನ್‌ ಐಡಿಯಾ ಸರ್ಕಾರಕ್ಕೆ ಒಟ್ಟು ₹53,000 ಕೋಟಿ ಪಾವತಿಸಬೇಕಿದ್ದು, ಸೋಮವಾರ ₹2,500 ಕೋಟಿ ಮಾತ್ರ ಪಾವತಿಸಿದೆ. ಬಾಕಿ ಪಾವತಿಗೆ ಸಂಬಂಧಿಸಿದಂತೆ ವೊಡಾಫೋನ್‌ ಐಡಿಯಾ ಮುಖ್ಯಸ್ಥ ಕುಮಾರ್‌ ಮಂಗಳಂ ಬಿರ್ಲಾ ಮಂಗಳವಾರ ದೂರ ಸಂಪರ್ಕ ಇಲಾಖೆ ಕಾರ್ಯದರ್ಶಿ ಅನ್ಷು ಪ್ರಕಾಶ್‌ ಅವರನ್ನು ಭೇಟಿ ಮಾಡಿದ್ದಾರೆ. 

'ಸದ್ಯಕ್ಕೆ ಏನೂ ಹೇಳಲಾರೆ' ಎಂದು ಭೇಟಿ ಬಳಿಕ ಬಿರ್ಲಾ ಹೇಳಿದ್ದಾರೆ. ಸರ್ಕಾರ ವೊಡಾಫೋನ್ ಬ್ಯಾಂಕ್‌ ಭದ್ರತಾ ಠೇವಣಿ ನಗದೀಕರಿಸಿಕೊಳ್ಳುವ ಬಗ್ಗೆ ಮಾತುಕತೆ ನಡೆದಿದೆ. ಭದ್ರತಾ ಠೇವಣಿ ನಗದೀಕರಿಸಿಕೊಳ್ಳದಂತೆ ಸರ್ಕಾರಕ್ಕೆ ಆದೇಶಿಸಲು ಸೋಮವಾರ ಹಿರಿಯ ಅಡ್ವೊಕೇಟ್‌ ಮುಕುಲ್‌ ರೋಹತಗಿ ಸುಪ್ರೀಂ ಕೋರ್ಟ್‌ಗೆ ಮನವಿ ಮಾಡಿದ್ದರು.

ವೊಡಾಫೋನ್‌ ಐಡಿಯಾ ದೂರ ಸಂಪರ್ಕ ಇಲಾಖೆಗೆ ₹2,500 ಕೋಟಿ ಪಾವತಿಸಿದ್ದು, ಇದೇ ವಾರದಲ್ಲಿ ₹1,000 ಕೋಟಿ ಪಾವತಿಸುವುದಾಗಿ ಭರವಸೆ ನೀಡಿದೆ. ಆದರೆ, ಪ್ರಸ್ತುತ ಪಾವತಿಸಿರುವ ಮೊತ್ತ ಒಟ್ಟು ಬಾಕಿಯ ಶೇ 5ಕ್ಕಿಂತಲೂ ಕಡಿಮೆ. ತಕ್ಷಣ ಬಾಕಿ ಪಾವತಿಗೆ ಒತ್ತಡ ಹೇರದಂತೆ ವೊಡಾಫೋನ್‌ ಸಲ್ಲಿಸಿದ್ದ ಮನವಿಯನ್ನು ಸುಪ್ರೀಂ ಕೋರ್ಟ್‌ ತಿರಸ್ಕರಿಸಿದೆ. 

ಇದನ್ನೂ ಓದಿ: 

'ಬಾಕಿ ಮೊತ್ತ ಪಾವತಿಗೆ ಪರಿಹಾರ ಮಾರ್ಗ ಇಲ್ಲದೇ ಹೋದಲ್ಲಿ ವೊಡಾಫೋನ್‌ ಐಡಿಯಾ ಸ್ಥಗಿತಗೊಳಿಸ ಬೇಕಾಗಬಹುದು. ನಮಗೆ ಯಾವುದೇ ಮಾರ್ಗ ದೊರೆಯದಿದ್ದರೆ, ಅಲ್ಲಿಗೆ ವೋಡಾಫೋನ್‌ ಐಡಿಯಾದ ಕಥೆ ಮುಗಿದಂತೆ...' ಎಂದು ಡಿಸೆಂಬರ್‌ನಲ್ಲಿ ಬಿರ್ಲಾ ಹೇಳಿಕೊಂಡಿದ್ದರು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು