ಗೃಹ ಬಳಕೆಯ ಎಲ್‌ಪಿಜಿ ₹ 60 ತುಟ್ಟಿ: ಪರಿಷ್ಕೃತ ದರ ಶನಿವಾರದಿಂದಲೇ ಜಾರಿ

ನಾಲ್ಕು ಜನರಿರುವ ಕುಟುಂಬವೊಂದು ವಾರ್ಷಿಕವಾಗಿ 4 ರಿಂದ 5 ಎಲ್‌ಪಿಜಿ ಸಿಲಿಂಡರ್‌ ಬಳಸಿದರೆ, ಆ ಕುಟುಂಬಕ್ಕೆ ಪ್ರತಿದಿನ 80 ಪೈಸೆಯಷ್ಟು ಅಥವಾ ಒಬ್ಬ ವ್ಯಕ್ತಿಗೆ 20 ಪೈಸೆಯಷ್ಟು ಮಾತ್ರ ಹೊರೆ ಬೀಳುತ್ತದೆ ಎಂದು ಕೇಂದ್ರದ ಅಧಿಕಾರಿಯೊಬ್ಬರು ಹೇಳಿದರು. ಅಂತರರಾಷ್ಟ್ರೀಯ ಮಾರುಕಟ್ಟೆಯ ಇಂಧನ ದರಕ್ಕೆ ಹೋಲಿಸಿದರೆ ಈಗ ಮಾಡಿರುವ ಹೆಚ್ಚಳವು ಕಡಿಮೆ ಇದೆ. 14.2 ಕೆ.ಜಿ ತೂಕದ ಸಬ್ಸಿಡಿ ರಹಿತ ಸಿಲಿಂಡರ್‌ಗೆ ₹1,050ರವರೆಗೆ ದರ ಹೆಚ್ಚಿಸಿದರೆ ಈ ನಷ್ಟವನ್ನು ಸರಿದೂಗಿ ಸಿಕೊಳ್ಳಬಹುದು. ನೇಪಾಳದಲ್ಲಿ ಎಲ್‌ಪಿಜಿ ಸಿಲಿಂಡರ್‌ ಬೆಲೆ ₹1,207, ಶ್ರೀಲಂಕಾದಲ್ಲಿ ₹1,241 ಹಾಗೂ ಪಾಕಿಸ್ತಾನದಲ್ಲಿ ₹1,046 ಇದ್ದು, ಭಾರತದಲ್ಲಿ ಈ ದೇಶಗಳಿಗಿಂತಲೂ ಕಡಿಮೆ ದರ ಇದೆ ಎಂದರು.