ಮುಂಬೈ: ದೇಶದಲ್ಲಿನ ಸಿರಿವಂತ ಕುಟುಂಬಗಳ ಪಟ್ಟಿಯಲ್ಲಿ ಮಹಾರಾಷ್ಟ್ರ ರಾಜ್ಯವು ಮೊದಲ ಸ್ಥಾನದಲ್ಲಿದ್ದು, ಕರ್ನಾಟಕ ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ.
ಹುರುನ್‌ ಇಂಡಿಯಾದ ವರದಿಯ ಪ್ರಕಾರ, 2020ರಲ್ಲಿ ದೇಶದಲ್ಲಿರುವ ಒಟ್ಟಾರೆ 4.12 ಲಕ್ಷ ಸಿರಿವಂತ ಕುಟುಂಬಗಳಿದ್ದು, ಅದರಲ್ಲಿ ಮಹಾರಾಷ್ಟ್ರ, ಉತ್ತರ ಪ್ರದೇಶ, ತಮಿಳುನಾಡು, ಕರ್ನಾಟಕ ಮತ್ತು ಗುಜರಾತ್ ರಾಜ್ಯಗಳ ಪಾಲು ಶೇ 46ರಷ್ಟಿದೆ.
ಕುಟುಂಬವೊಂದರ ವಾರ್ಷಿಕ ವರಮಾನವು ₹ 7.2 ಕೋಟಿಗಿಂತಲೂ ಅಧಿಕ ಇದ್ದರೆ ಅಂತಹ ಕುಟುಂಬವನ್ನು ಸಿರಿವಂತ ಕುಟುಂಬ ಎಂದು ಪರಿಗಣಿಸಲಾಗುತ್ತದೆ.
