ಮಾರುಕಟ್ಟೆಯಲ್ಲಿ ವಹಿವಾಟಿನ ನಡುವಿನ ಒಂದು ಹಂತದಲ್ಲಿ ಕಂಪನಿಗಳ ಒಟ್ಟು ಮಾರುಕಟ್ಟೆ ಬಂಡವಾಳ ಮೌಲ್ಯವು ₹ 219 ಲಕ್ಷ ಕೋಟಿಗೂ ತಲುಪಿತ್ತು. ‘₹ 218 ಲಕ್ಷ ಕೋಟಿಯ ಗಡಿಯನ್ನು ದಾಟಿರುವುದು ಷೇರುಪೇಟೆಯ ಪಯಣದಲ್ಲಿ ದೊಡ್ಡ ಮೈಲಿಗಲ್ಲು. 6.9 ಕೋಟಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಇರುವ ಎಲ್ಲ ನೋಂದಾಯಿತ ಹೂಡಿಕೆದಾರರಿಗೆ, 1,400ಕ್ಕಿಂತ ಹೆಚ್ಚಿನ ಬ್ರೋಕರ್ಗಳಿಗೆ, 69 ಸಾವಿರಕ್ಕೂ ಹೆಚ್ಚಿನ ಮ್ಯೂಚುವಲ್ ಫಂಡ್ ವಿತರಕರಿಗೆ, 4,700ಕ್ಕೂ ಹೆಚ್ಚಿನ ಕಂಪನಿಗಳಿಗೆ ಅಭಿನಂದನೆಗಳು’ ಎಂದು ಮುಂಬೈ ಷೇರುಪೇಟೆಯ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಹಣಾ ಅಧಿಕಾರಿ ಆಶಿಶ್ಕುಮಾರ್ ಚವಾಣ್ ಟ್ವೀಟ್ ಮಾಡಿದ್ದಾರೆ.