ನವದೆಹಲಿ (ಪಿಟಿಐ): ಮಾರುತಿ ಸುಜುಕಿ ಕಂಪನಿಯು ಇಕೊ ಮಾದರಿಯ 19,731 ವ್ಯಾನ್‌ಗಳನ್ನು ಹಿಂದಕ್ಕೆ ಪಡೆದು, ಚಕ್ರದ ರಿಮ್‌ ಗಾತ್ರ ಗುರುತಿಸುವಿಕೆಯಲ್ಲಿ ಆಗಿರುವ ಲೋಪವನ್ನು ಸರಿಪಡಿಸಲಿದೆ.
2021ರ ಜುಲೈ 19ರಿಂದ ಅಕ್ಟೋಬರ್‌ 5ರ ನಡುವೆ ತಯಾರಾದ ಇಕೊ ವ್ಯಾನ್‌ಗಳಲ್ಲಿ ರಿಮ್‌ ಗಾತ್ರವನ್ನು ತಪ್ಪಾಗಿ ಗುರುತು ಮಾಡಲಾಗಿದೆ ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ.
ಗ್ರಾಹಕರಿಗೆ ಮಾರುತಿ ಸುಜುಕಿ ಅಧಿಕೃತ ವರ್ಕ್‌ಶಾಪ್‌ ಕಡೆಯಿಂದ ಮಾಹಿತಿ ರವಾನೆ ಆಗಲಿದೆ. ಗ್ರಾಹಕರು ಕಂಪನಿಯ ವೆಬ್‌ಸೈಟ್‌ಗೆ ಭೇಟಿ ನೀಡಿ, ತಮ್ಮ ವಾಹನದ ಚಾಸಿ ಸಂಖ್ಯೆ ನಮೂದಿಸಿ, ಲೋಪ ಇರುವ ವಾಹನಗಳಲ್ಲಿ ಅದೂ ಸೇರಿದೆಯೇ ಎಂಬುದನ್ನು ಪರಿಶೀಲಿಸಬಹುದು ಎಂದು ಕಂಪನಿ ಹೇಳಿದೆ.
