ನವದೆಹಲಿ: ಪ್ರಸಕ್ತ ಹಣಕಾಸು ವರ್ಷದ ಮೊದಲ ನಾಲ್ಕು ತಿಂಗಳ ಅವಧಿಯಲ್ಲಿ ತನ್ನಲ್ಲಿ ನೋಂದಾಯಿತ ಆಗಿರುವ ಹೊಸ ಹೂಡಿಕೆದಾರರ ಸಂಖ್ಯೆಯು 50 ಲಕ್ಷವನ್ನು ದಾಟಿದೆ ಎಂದು ರಾಷ್ಟ್ರೀಯ ಷೇರುಪೇಟೆ (ಎನ್‌ಎಸ್‌ಇ) ತಿಳಿಸಿದೆ.
2019ರ ಏಪ್ರಿಲ್–ಜುಲೈ ಅವಧಿಯಲ್ಲಿ 8.5 ಲಕ್ಷ ಹೊಸ ಹೂಡಿಕೆದಾರರು, 2020ರ ಏಪ್ರಿಲ್–ಜುಲೈ ಅವಧಿಯಲ್ಲಿ 20 ಲಕ್ಷ ಹೊಸ ಹೂಡಿಕೆದಾರರು ನೋಂದಣಿ ಮಾಡಿಸಿಕೊಂಡಿದ್ದರು. ಈ ವರ್ಷದ ಇದೇ ಅವಧಿಯಲ್ಲಿ 51.3 ಲಕ್ಷ ಹೂಡಿಕೆದಾರರು ಹೊಸದಾಗಿ ನೋಂದಣಿ ಮಾಡಿಸಿಕೊಂಡಿದ್ದಾರೆ. ಎನ್‌ಎಸ್‌ಇಯಲ್ಲಿ ಈಗ 4.5 ಕೋಟಿ ನೋಂದಾಯಿತ ಹೂಡಿಕೆದಾರರು ಇದ್ದಾರೆ.
