ನವದೆಹಲಿ (ಪಿಟಿಐ): ರಾಷ್ಟ್ರೀಯ ಔಷಧ ಬೆಲೆ ನಿಯಂತ್ರಣ ಪ್ರಾಧಿಕಾರವು (ಎನ್‌ಪಿಪಿಎ) ಮಧುಮೇಹ ನಿಯಂತ್ರಣ ಹಾಗೂ ಕೆಲವು ಕಾಯಿಲೆಗಳ ಚಿಕಿತ್ಸೆಗೆ ಬಳಸುವ ಔಷಧಗಳ ರಿಟೇಲ್ ಮಾರಾಟ ದರಕ್ಕೆ ಮಿತಿ ಹೇರಿದೆ.
ಈ ಔಷಧಗಳನ್ನು ತಯಾರಿಸುವ ಕಂಪನಿಗಳು ಇವುಗಳ ಬೆಲೆಯನ್ನು ಎನ್‌ಪಿಪಿಎ ನಿಗದಿ ಮಾಡಿರುವ ಮಟ್ಟದಲ್ಲಿ ಇರಿಸಬೇಕಿದೆ.
ಮೆಟ್‌ಫಾರ್ಮಿನ್‌ (ಎಕ್ಸ್‌ಟೆಂಡೆಡ್–ರಿಲೀಸ್)+ಟೆನೆಲಿಗ್ಲಿಪ್ಟಿನ್ ಮಾತ್ರೆಯ ಬೆಲೆ ಪ್ರತಿ ಮಾತ್ರೆಗೆ ₹ 7.14ಕ್ಕೆ, ಡಪಾಗ್ಲಿಫ್ಲೋಜಿನ್+ಮೆಟಾಫಾರ್ಮಿನ್ ಹೈಡ್ರೊಕ್ಲೋರೈಡ್ ಬೆಲೆ ₹ 10.7ಕ್ಕೆ ನಿಗದಿಯಾಗಿದೆ. ಈ ಮಾತ್ರೆಗಳನ್ನು ಮಧುಮೇಹಿಗಳು ಬಳಸುತ್ತಾರೆ.
