ನವದೆಹಲಿ: ಬಂಡವಾಳ ಮಾರುಕಟ್ಟೆಯಲ್ಲಿಪಾರ್ಟಿಸಿಪೇಟರಿ ನೋಟ್ಸ್‌ಗಳ (ಪಿ-ನೋಟ್ಸ್‌) ಮೂಲಕ ಏಪ್ರಿಲ್‌ನಲ್ಲಿ ₹ 81,220 ಕೋಟಿ ಹೂಡಿಕೆಯಾಗಿದೆ.
ಮಾರ್ಚ್‌ನಲ್ಲಿ ₹ 78,110 ಕೋಟಿ ಹೂಡಿಕೆಯಾಗಿತ್ತು. ಇದಕ್ಕೆ ಹೋಲಿಸಿದರೆ ಈ ಬಾರಿ ಹೂಡಿಕೆ ಪ್ರಮಾಣದಲ್ಲಿ ಶೇ 3.98ರಷ್ಟು ಏರಿಕೆ ಕಂಡುಬಂದಿದೆ.
ಏನಿದು ಪಿ–ನೋಟ್ಸ್‌: ಭಾರತದ ಷೇರುಪೇಟೆಯಲ್ಲಿ ಹಣ ತೊಡಗಿಸಲು ನೇರವಾಗಿ ನೋಂದಾಯಿಸಿಕೊಳ್ಳದ ವಿದೇಶಿ ಹೂಡಿಕೆದಾರರಿಗೆ ಸಾಗರೋತ್ತರ ನೋಂದಾಯಿತ ಹೂಡಿಕೆದಾರರು ಈ ‘ಪಿ–ನೋಟ್ಸ್‌’ಗಳನ್ನು ವಿತರಿಸುತ್ತಾರೆ. ಕೆಲವರು ಇವುಗಳನ್ನು ಬಳಸಿ ಹೂಡಿಕೆ ಮಾಡುತ್ತಾರೆ.
