ನವದೆಹಲಿ: ವರ್ತಕರಿಗೆ ಮಾರ್ಚ್ ಒಳಗಾಗಿ ₹ 1 ಸಾವಿರ ಕೋಟಿ ಮೊತ್ತದ ಸಾಲ ನೀಡುವ ಗುರಿ ಹೊಂದಿರುವುದಾಗಿ ಪೇಟಿಎಂ ಸೋಮವಾರ ತಿಳಿಸಿದೆ.
ವರ್ತಕರಿಗೆ ಸಾಲ ನೀಡುವ ಕಾರ್ಯಕ್ರಮದ ಅಡಿಯಲ್ಲಿ, ಬಿಸಿನೆಸ್ ಆ್ಯಪ್ ಬಳಸುವವರಿಗೆ ಜಾಮೀನು ರಹಿತ ಸಾಲ ನೀಡುವುದನ್ನು ಮುಂದುವರಿಸಲಾಗುವುದು ಎಂದು ಕಂಪನಿ ಹೇಳಿದೆ. ವರ್ತಕರಿಗೆ ತಮ್ಮ ವಹಿವಾಟನ್ನು ಡಿಜಿಟಲೀಕರಿಸಲು ಈ ಸಾಲವು ನೆರವಾಗಲಿದೆ ಎಂದು ಪೇಟಿಎಂ ಪ್ರಕಟಣೆಯಲ್ಲಿ ತಿಳಿಸಿದೆ.
ವರ್ತಕರ ನಿತ್ಯದ ವಹಿವಾಟಿನ ಆಧಾರದ ಮೇಲೆ ಸಾಲ ಯೋಗ್ಯತೆ ನಿರ್ಧರಿಸಲಾಗುವುದು. ಆ ಬಳಿಕ ಬ್ಯಾಂಕೇತರ ಹಣಕಾಸು ಕಂಪನಿಗಳು ಹಾಗೂ ಬ್ಯಾಂಕ್ಗಳ ಪಾಲುದಾರಿಕೆಯೊಂದಿಗೆ ಜಾಮೀನುರಹಿತ ಸಾಲ ನೀಡಲಾಗುವುದು ಎಂದು ಹೇಳಿದೆ.
ಎಂಎಸ್ಎಂಇಗಳಿಗೆ ₹ 5 ಲಕ್ಷದವರೆಗೆ ಕಡಿಮೆ ಬಡ್ಡಿದರಕ್ಕೆ ಜಾಮೀನು ರಹಿತ ಸಾಲ ಸೌಲಭ್ಯ ಹಾಗೂ ಸಣ್ಣ ವ್ಯಾಪಾರಿಗಳಿಗೆ ವಿಶಿಷ್ಟವಾದ ನಿತ್ಯದ ಇಎಂಐ ಸಾಲ ನೀಡುವುದಾಗಿಯೂ ತಿಳಿಸಿದೆ.