ಬೆಂಗಳೂರು: ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲ ದರದಲ್ಲಿನ ಇಳಿಕೆಯಿಂದಾಗಿ ದೇಶದಲ್ಲಿ ಪೆಟ್ರೋಲ್‌ ಮತ್ತು ಡೀಸೆಲ್‌ ದರದಲ್ಲಿಯೂ ಅಲ್ಪ ಇಳಿಕೆ ಕಂಡುಬರುತ್ತಿದೆ.
ಶನಿವಾರ ಪ್ರತಿ ಲೀಟರ್ ಪೆಟ್ರೋಲ್‌ ದರ 28 ಪೈಸೆ ಇಳಿಕೆಯಾಗಿ ₹ 76.64ರಂತೆ ಹಾಗೂ ಡೀಸೆಲ್‌ ದರ 31 ಪೈಸೆ ಇಳಿಕೆಯಾಗಿದ್ದು, ₹ 69.55ರಂತೆ ಮಾರಾಟವಾಗಿದೆ.
ಒಂದು ವಾರದಲ್ಲಿ ಬ್ರೆಂಟ್ ತೈಲ ದರ ಬ್ಯಾರಲ್‌ಗೆ 65.21 ಡಾಲರ್‌ಗಳಿಂದ 61.65 ಡಾಲರ್‌ಗಳಿಗೆ ಅಂದರೆ, 3.56 ಡಾಲರ್‌ಗಳಷ್ಟು ಇಳಿಕೆಯಾಗಿದೆ. ಆದರೆ, ಪೆಟ್ರೋಲ್‌ ದರ ಲೀಟರಿಗೆ 85 ಪೈಸೆ ಹಾಗೂ ಡೀಸೆಲ್‌ ದರ 98 ಪೈಸೆಗಳಷ್ಟು ಅಲ್ಪ ಇಳಿಕೆಯನ್ನಷ್ಟೇ ಕಂಡಿವೆ.
