ಪೆಟ್ರೋಲ್‌, ಡೀಸೆಲ್‌ ದರ ಇಳಿಕೆ

ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಗುರುವಾರ ಪೆಟ್ರೋಲ್‌, ಡೀಸೆಲ್‌ ದರದಲ್ಲಿ ದೇಶದಾದ್ಯಂತ ಇಳಿಕೆ ಮಾಡಿವೆ.

ಬೆಂಗಳೂರು ಮತ್ತು ಮುಂಬೈನಲ್ಲಿ ಲೀಟರ್‌ ಪೆಟ್ರೋಲ್‌ ದರ 9 ಪೈಸೆ ಇಳಿಕೆಯಾಗಿದ್ದು, ಕ್ರಮವಾಗಿ ₹ 84.16 ಮತ್ತು ₹ 88.73ಕ್ಕೆ ತಲುಪಿದೆ. ಡೀಸೆಲ್‌ ದರ 12 ಪೈಸೆ ಇಳಿಕೆಯಾಗಿದ್ದು, ಕ್ರಮವಾಗಿ ₹77.34 ಮತ್ತು 79.69ರಂತೆ ಮಾರಾಟವಾಗಿದೆ.

ದೆಹಲಿಯಲ್ಲಿ ಡೀಸೆಲ್‌ ದರ 11 ಪೈಸೆ ಇಳಿಕೆಯಾಗಿ ₹ 73.16ರಂತೆ ಹಾಗೂ ಪೆಟ್ರೋಲ್‌ ದರ 09 ಪೈಸೆ ಕಡಿಮೆಯಾಗಿ ₹ 82.08ರಂತೆ ಮಾರಾಟವಾಗಿದೆ.