ನವದೆಹಲಿ: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ಸತತ ಎರಡನೇ ದಿನವೂ ದೇಶದಾದ್ಯಂತ ಪೆಟ್ರೋಲ್‌, ಡೀಸೆಲ್ ದರದಲ್ಲಿ ಏರಿಕೆ ಮಾಡಿವೆ. ದೆಹಲಿಯಲ್ಲಿ ಇಂಧನ ದರವು ಗರಿಷ್ಠ ಮಟ್ಟಕ್ಕೆ ಏರಿಕೆ ಕಂಡಿದೆ.
ದೆಹಲಿಯಲ್ಲಿ ಗುರುವಾರ ಪೆಟ್ರೋಲ್‌ ಮತ್ತು ಡೀಸೆಲ್ ದರ ಪ್ರತಿ ಒಂದು ಲೀಟರಿಗೆ ತಲಾ 25 ಪೈಸೆಗಳಂತೆ ಹೆಚ್ಚಿಸಲಾಗಿದೆ. ಇದರಿಂದ ಮಾರಾಟ ದರ ಪೆಟ್ರೋಲ್‌ ₹ 84.70 ಹಾಗೂ ಡೀಸೆಲ್ ₹ 74.88ಕ್ಕೆ ತಲುಪಿದೆ. ಮುಂಬೈನಲ್ಲಿ ಪೆಟ್ರೋಲ್‌ ದರ ₹ 91.32ಕ್ಕೆ ಹಾಗೂ ಡೀಸೆಲ್ ದರ ₹ 81.60ಕ್ಕೆ ಏರಿಕೆಯಾಗಿದೆ.
ಬೆಂಗಳೂರಿನಲ್ಲಿ ಇಂಧನ ದರ ಪ್ರತಿ ಲೀಟರಿಗೆ ತಲಾ 26 ಪೈಸೆಗಳಂತೆ ಹೆಚ್ಚಿಸಲಾಗಿದೆ. ಇದರಿಂದ ರಿಟೇಲ್‌ ಮಾರಾಟ ದರ ಪ್ರತಿ ಲೀಟರ್‌ ಪೆಟ್ರೋಲ್‌ಗೆ ₹ 87.56 ಹಾಗೂ ಡೀಸೆಲ್ ₹ 79.40ಕ್ಕೆ ಏರಿಕೆಯಾಗಿದೆ.
