ಬೆಂಗಳೂರು: ಮೂರು ವಾರಗಳಬಳಿಕ ಇದೀಗ ಇಂಧನ ದರ ಏರಿಕೆಗೆ ತುಸು ಕಡಿವಾಣ ಬಿದ್ದಿದೆ. ಕಳೆದ ಐದು ದಿನಗಳಿಂದ ಪೆಟ್ರೋಲ್ ಡೀಸೆಲ್‌ ದರದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.
ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳುಜೂನ್‌ 7ರಿಂದ 29ರವರೆಗೆ ಇಂಧನ ದರದಲ್ಲಿ ಏರಿಕೆ ಮಾಡಿವೆ. ಡೀಸೆಲ್‌ ದರ ಒಟ್ಟಾರೆ 22 ಬಾರಿ ಮತ್ತು ಪೆಟ್ರೊಲ್‌ ದರ 21 ಬಾರಿ ಹೆಚ್ಚಾಗಿದೆ.
ಬೆಂಗಳೂರಿನಲ್ಲಿ ಸದ್ಯ ಒಂದು ಲೀಟರ್ ಪೆಟ್ರೋಲ್ ದರ ₹ 83.04 ಹಾಗೂ ಡೀಸೆಲ್‌ ದರ ₹ 76.58ರಷ್ಟಿದೆ. ಮುಂಬೈನಲ್ಲಿ ಪೆಟ್ರೋಲ್ ₹ 87.19 ಮತ್ತು ಡೀಸೆಲ್‌ ₹ 78.83, ದೆಹಲಿಯಲ್ಲಿ ಪೆಟ್ರೋಲ್ ₹ 80.43 ಮತ್ತು ಡೀಸೆಲ್‌ ₹80.53ರಂತೆ ಮಾರಾಟವಾಗಿದೆ.
