ನವದೆಹಲಿ/ಬೆಂಗಳೂರು: ಸರ್ಕಾರಿ ಸ್ವಾಮ್ಯದ ತೈಲ ಮಾರಾಟ ಕಂಪನಿಗಳು ನಾಲ್ಕು ದಿನಗಳ ಅಂತರದ ಬಳಿಕ ಪೆಟ್ರೋಲ್, ಡೀಸೆಲ್ ದರವನ್ನು ಮತ್ತೆ ಇಳಿಕೆ ಮಾಡಿವೆ.
ಬೆಂಗಳೂರಿನಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರ 23 ಪೈಸೆ ಇಳಿಕೆಯಾಗಿ ₹ 93.59ರಂತೆ ಹಾಗೂ ಡೀಸೆಲ್ ದರ ಲೀಟರಿಗೆ 24 ಪೈಸೆ ಕಡಿಮೆಯಾಗಿ ₹ 85.75ರಂತೆ ಮಾರಾಟವಾಗಿದೆ.
ದೆಹಲಿಯಲ್ಲಿ ಪೆಟ್ರೋಲ್ ದರ 22 ಪೈಸೆ ಮತ್ತು ಡೀಸೆಲ್ ದರ 23 ಪೈಸೆ ಕಡಿಮೆಯಾಗಿ ಲೀಟರಿಗೆ ಕ್ರಮವಾಗಿ ₹ 90.56 ಮತ್ತು 80.87ರಂತೆ ಮಾರಾಟವಾಗಿದೆ. ಮುಂಬೈನಲ್ಲಿ ಪೆಟ್ರೋಲ್ ದರ ₹ 96.98 ಮತ್ತು ಡೀಸೆಲ್ ದರ ₹ 87.96ರಷ್ಟಾಗಿದೆ.
ಸೂಯೆಜ್ ಕಾಲುವೆಯಲ್ಲಿ ಸರಕು ಸಾಗಣೆ ಮತ್ತೆ ಆರಂಭವಾಗಿರುವುದರಿಂದ ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ದರ ತುಸು ಇಳಿಕೆ ಆಗಿದೆ.