ನವದೆಹಲಿ: ಆಟಿಕೆಗಳನ್ನು ತಯಾರಿಸುವ ಇಟಲಿಯ ಪ್ಲಾಸ್ಟಿಕ್‌ ಲೆಗ್ನೊ ಕಂಪನಿಯ ಭಾರತದ ವಹಿವಾಟಿನಲ್ಲಿ ಶೇ 40ರಷ್ಟು ಷೇರುಗಳನ್ನು ಖರೀದಿಸುವುದಾಗಿ ರಿಲಯನ್ಸ್‌ ಬ್ರ್ಯಾಂಡ್ಸ್‌ ಲಿಮಿಟೆಡ್‌ (ಆರ್‌ಬಿಎಲ್‌) ಬುಧವಾರ ತಿಳಿಸಿದೆ.
ದೇಶದಲ್ಲಿ ಆಟಿಕೆಗಳ ತಯಾರಿಕೆ ಯನ್ನು ಇನ್ನಷ್ಟು ಬಲಪಡಿಸುವ ಉದ್ದೇಶ ದಿಂದ ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಅದು ತಿಳಿಸಿದೆ. ಆದರೆ ಖರೀದಿ ಮೊತ್ತವನ್ನು ಬಹಿರಂಗಪಡಿಸಿಲ್ಲ.
25 ವರ್ಷಗಳಿಗೂ ಹೆಚ್ಚಿನ ಸಮಯದಿಂದ ಪ್ಲಾಸ್ಟಿಕ್‌ ಲೆಗ್ನೊ ಸ್ಪಾ ಕಂಪನಿಯು ಆಟಿಕೆಗಳನ್ನು ತಯಾರಿಸುತ್ತಿದೆ.
