ನವದೆಹಲಿ: ಅನಿಲ್ ಅಂಬಾನಿ ನೇತೃತ್ವದ ರಿಲಯನ್ಸ್ ಸಮೂಹದ ಭಾಗವಾಗಿರುವ ರಿಲಯನ್ಸ್ ಕ್ಯಾಪಿಟಲ್ ಲಿಮಿಟೆಡ್ (ಆರ್ಸಿಎಲ್) ಸಂಸ್ಥೆಯ ಸಾಲದ ಮೊತ್ತವು 2020ರ ಡಿಸೆಂಬರ್ ಅಂತ್ಯಕ್ಕೆ ₹ 20,379.71 ಕೋಟಿಯಷ್ಟಾಗಿದೆ ಎಂದು ಸಂಸ್ಥೆಯು ತಿಳಿಸಿದೆ.
2020ರ ಆಗಸ್ಟ್ 31ರ ವೇಳೆಗೆ ಬಡ್ಡಿ ಸೇರಿದಂತೆ ಒಟ್ಟು ಸಾಲದ ಪ್ರಮಾಣವು ₹ 19,805.7 ಕೋಟಿಯಷ್ಟಿತ್ತು.
ಎಚ್ಡಿಎಫ್ಸಿ ಬ್ಯಾಂಕ್ ಹಾಗೂ ಎಕ್ಸಿಸ್ ಬ್ಯಾಂಕ್ಗೆ ನೀಡಬೇಕಾದ ಮೊತ್ತವು ಕ್ರಮವಾಗಿ ₹523.98 ಕೋಟಿ ಹಾಗೂ ₹ 100.63 ಕೋಟಿಯಷ್ಟಿದೆ. ಬ್ಯಾಂಕ್ಗಳು ಹಾಗೂ ವಿವಿಧ ಹಣಕಾಸು ಸಂಸ್ಥೆಗಳಿಂದ ಪಡೆದ ಸಾಲ ಮತ್ತು ಅದರ ಬಡ್ಡಿ ಸೇರಿ ₹700.76 ಕೋಟಿಯಷ್ಟಾಗಿದೆ ಎಂದು ಸಂಸ್ಥೆ ತಿಳಿಸಿದೆ.
ಇದೇ ಸಮೂಹದ, ರಿಲಯನ್ಸ್ ಹೋಮ್ ಫೈನಾನ್ಸ್ ಸಂಸ್ಥೆಯ ಸಾಲವು ₹ 12,943.18 ಕೋಟಿ ಇದೆ. ಇದರಲ್ಲಿ ಮೂಲ ಸಾಲ ಹಾಗೂ ಬಡ್ಡಿಯೂ ಸೇರಿದೆ ಎಂದು ತಿಳಿಸಿದೆ.